ԳԱԱ Լեզվի ինստիտուտը հյուրընկալել է ՎՀՄՀ բանասիրական ֆակուլտետի ուսանողներին

28/11/2019

Սույն թվականի նոյեմբերի 27-ին ՀՀ ԳԱԱ լեզվի ինստիտուտը հյուրընկալել էր Վանաձորի Հ. Թումանյանի անվան պետական մանկավարժական համալսարանի բանասիրական ֆակուլտետի 4-րդ կուրսի ուսանողներին:

Ողջույնի խոսքով հանդես եկավ ինստիտուտի տնօրեն Վ. Կատվալյանը, ներկայացրեց ինստիտուտի անցած ուղին, ձեռքբերումները, հեռանկարային ծրագրերը:
Ելույթներով հանդես եկան և բաժնինների գործունեությունը ներկայացրին ինստիտուտի ընդհանուր և համեմատական լեզվաբանության բաժնի վարիչ Վ. Համբարձումյանը, բառարանագրության բաժնի վարիչ Ա. Գալստյանը:

Ինստիտուտի աշխատակից Տ. Սիրունյանն անդրադարձավ հայոց լեզվի պատմության բաժնի աշխատանքներին: Ուսանողների հետ հետաքրքիր քննարկում ծավալեց արևմտահայերենի բաժնի աշխատակից Ռ. Թոխմախյանը: Մերի Սարգսյանը ներկայացրեց «Ընդհանուր և հայ լեզվաբանություն» մագիստրոսական կրթական ծրագիրը, ինչպես նաև ուսանողներին առաջարկեց միանալ ինստիտուտին կից գործող Լեզվի երիտասարդ պաշտպանների խորհրդի աշխատանքներին և ձեռք բերել կամավորական աշխատանքի առաջին փորձառությունը:

Ամփոփելով ելույթները` ինստիտուտի տնօրենն առաջարկեց պարբերական դարձնել նմանատիպ հանդիպումները և համագործակցությունը: Վանաձորի Հ. Թումանյանի անվան պետական մանկավարժական համալսարանի ուսանողներն ինստիտուտից հեռացան նվերներով. տնօրենն ուսանողներին նվիրեց գրքեր` ինստիտուտի վերջին հրատարակություններից:

Մուտք գործեք մեկնաբանությունների համար

Հայտարարություններ

Միջազգային գիտաժողով՝ նվիրված ակադեմիկոս Սերգեյ Աբրահամյանի ծննդյան 100-ամյակին

Սիրով հրավիրում ենք մասնակցելու ակադեմիկոս Սերգեյ Աբրահամյանի ծննդյան 100-ամյակին նվիրվածմիջազգային գիտաժողովին, որը տեղի կունենա 2025 թ. մայիսի 19-20-ին Երևանում։ Գիտաժողովը կազմակերպում են ՀՀ ԳԱԱ հայագիտության և հասարակականգիտությունների բաժանմունքը, ԳԱԱ Հ. Աճառյանի անվան լեզվի ինստիտուտը, Խ.Աբովյանի անվան հայկական պետական...
Առաջին շրջաբերական

Հարգարժա՛ն գործընկերներ,

Սիրով տեղեկացնում ենք, որ ՀՀ ԳԱԱ Հ.Աճառյանի անվան լեզվի ինստիտուտը 2025 թ. հունիսի 12-ից 13-ը կազմակերպում է հայերենագիտական նստաշրջան՝ նվիրված ակադեմիկոս Գևորգ ...