Երիտասարդ լեզվաբանների խորհրդի նիստ՝ ինստիտուտի հայցորդների և ասպիրանտների մասնակցությամբ

11/05/2017

Սույն թվականի մայիսի 11- ին ԳԱԱ Հ. Աճառյանի անվան լեզվի ինստիտուտում տեղի ունեցավ երիտասարդ լեզվաբանների խորհրդի ընդլայնված նիստ՝ ինստիտուտի ասպիրանտների և հայցորդների մասնակցությամբ: Հանդիպման նպատակը երիտասարդ լեզվաբանների ամենամյա գիտաժողովի, ինչպես նաև մասնակցության ընթացակարգի մասին ինստիտուտի ասպիրանտներին և հայցորդներին տեղեկացնելն էր: Խորհրդի նախագահ Տ. Սիրունյանն առաջարկեց խորհրդի անդամներին նախապատրաստական աշխատանքներ իրականացնել գիտաժողովին մասնակցել ցանկացող ասպիրանտների և հայցորդների հետ, հարկ եղած դեպքում օժանդակել զեկուցումները պատշաճ ներկայացնելու հարցում: Խորհրդի անդամները ընտրեցին պատասխանատուներ՝ ըստ բնագավառների: Որոշվեց՝ լեզվի պատմության բնագավառի պատասխանատու նշանակել Հ. Խաչատրյանին, ընդհանուր և համեմատական լեզվաբանության բնագավառի՝ Մ. Սարգսյանին, արևելահայերենի և արևմտահայերենի բնագավառի՝ Ա. Քարտաշյանին, բարբառագիտության բնագավառի՝ Մ. Բադալյանին: Ինստիտուտի ասպիանտներն ու հայցորդները նախ ներկայացրին իրենց կատարած աշխատանքները, ապա խորհրդի անդամների և ինստիտուտի տնօրեն Վ. Կատվալյանի հետ քննարկեցին հետագա անելիքները, մեծ ոգևորությամբ ընդունեցին առաջիկա գիտաժողովին մասնակցելու առաջարկը, նրանց հատկապես գրավեց հոդվածների տպագրության նոր ընթացակարգը, այն է՝ լավագույն հոդվածները տպագրվելու են ինստիտուտի պարբերականներում: Նիստի ընթացքում որոշվեց հետագա հանդիպումների և քննարկումների ծրագիր մշակել: Բուռն քննարկումները շարունակվեցին անգամ նիստի ավարտից հետո:

Հայտարարություններ

Գիտաժողով՝ «Բառագիտության արդի խնդիրներ»

ԳԻՏԱԺՈՂՈՎԻ ՀՐԱՎԵՐ

Հարգելի՛ գործընկերներ,

Սիրով տեղեկացնում ենք, որ ՀՀ ԳԱԱ Հ. Աճառյանի անվան լեզվի ինստիտուտը 2025 թ. հունիսի 27-ին հրավիրում է «Բառագիտության արդի խնդիրներ» խորագրով գիտաժողով:

Գիտաժողովին զեկուցումով մասնակցելու համար անհրաժեշտ է...
Միջազգային գիտաժողով՝ նվիրված ակադեմիկոս Սերգեյ Աբրահամյանի ծննդյան 100-ամյակին

Սիրով հրավիրում ենք մասնակցելու ակադեմիկոս Սերգեյ Աբրահամյանի ծննդյան 100-ամյակին նվիրվածմիջազգային գիտաժողովին, որը տեղի կունենա 2025 թ. մայիսի 19-20-ին Երևանում։ Գիտաժողովը կազմակերպում են ՀՀ ԳԱԱ հայագիտության և հասարակականգիտությունների բաժանմունքը, ԳԱԱ Հ. Աճառյանի անվան լեզվի ինստիտուտը, Խ.Աբովյանի անվան հայկական պետական...
Առաջին շրջաբերական

Հարգարժա՛ն գործընկերներ,

Սիրով տեղեկացնում ենք, որ ՀՀ ԳԱԱ Հ.Աճառյանի անվան լեզվի ինստիտուտը 2025 թ. հունիսի 12-ից 13-ը կազմակերպում է հայերենագիտական նստաշրջան՝ նվիրված ակադեմիկոս Գևորգ ...