Երիտասարդ լեզվաբանների 5-րդ հանրապետական գիտաժողով

18/09/2015

Սեպտեմբերի 18-ին ԳԱԱ լեզվի ինստիտուտում տեղի ունեցավ Երիտասարդ լեզվաբանների հանրապետական 5-րդ գիտաժողովը: Բացելով գիտաժողովը և ողջունելով մասնակիցներին՝ լեզվի ինստիտուտի տնօրեն Վիկտոր Կատվալյանը կարևորեց երիտասարդ մասնագետների ներգրավվածությունը գիտական կյանքում, նրանց մասնակցությամբ քննարկումների ծավալումը, որը թույլ կտա հնչեցնել ու ճշգրտել վիճելի հարցեր, անել եզրահանգումներ: Նա հույս հայտնեց, որ գիտաժողովում կներկայացվեն հետաքրքիր զեկուցումներ, նոր ու թարմ մտքեր, հայ լեզվաբանական մտքի զարգացման հեռանկարներին միտված առաջարկություններ:

Զեկուցումներով հանդես եկան երիտասարդ գիտաշխատողներ, ասպիրանտներ, հայցորդներ, որոնք ներկայացնում էին երևանյան և մարզային գիտակրթական տարբեր հաստատություններ՝ ԳԱԱ լեզվի ինստիտուտ, ԵՊՀ, ՀՊՄՀ, Մատենադարան և այլն: Զեկուցումների թեմատիկան ընդգրկուն էր, անդրադարձներ եղան հայերենի զարգացման տարբեր փուլերին, ներկայացվեցին լեզվի բառային, քերականական և ոճական զանազան դրսևորումներին ու առանձնահատկություններին վերաբերող դիտարկումներ:

Գիտաժողովում հնչած զեկուցումները կտպագրվեն առանձին ժողովածուով:

Հայտարարություններ

Գիտաժողով՝ «Բառագիտության արդի խնդիրներ»

ԳԻՏԱԺՈՂՈՎԻ ՀՐԱՎԵՐ

Հարգելի՛ գործընկերներ,

Սիրով տեղեկացնում ենք, որ ՀՀ ԳԱԱ Հ. Աճառյանի անվան լեզվի ինստիտուտը 2025 թ. հունիսի 27-ին հրավիրում է «Բառագիտության արդի խնդիրներ» խորագրով գիտաժողով:

Գիտաժողովին զեկուցումով մասնակցելու համար անհրաժեշտ է...
Միջազգային գիտաժողով՝ նվիրված ակադեմիկոս Սերգեյ Աբրահամյանի ծննդյան 100-ամյակին

Սիրով հրավիրում ենք մասնակցելու ակադեմիկոս Սերգեյ Աբրահամյանի ծննդյան 100-ամյակին նվիրվածմիջազգային գիտաժողովին, որը տեղի կունենա 2025 թ. մայիսի 19-20-ին Երևանում։ Գիտաժողովը կազմակերպում են ՀՀ ԳԱԱ հայագիտության և հասարակականգիտությունների բաժանմունքը, ԳԱԱ Հ. Աճառյանի անվան լեզվի ինստիտուտը, Խ.Աբովյանի անվան հայկական պետական...
Առաջին շրջաբերական

Հարգարժա՛ն գործընկերներ,

Սիրով տեղեկացնում ենք, որ ՀՀ ԳԱԱ Հ.Աճառյանի անվան լեզվի ինստիտուտը 2025 թ. հունիսի 12-ից 13-ը կազմակերպում է հայերենագիտական նստաշրջան՝ նվիրված ակադեմիկոս Գևորգ ...