Արեւմտահայերէնի բաժինի աշխատակիցները հիւրընկալուեցան ՀԲԸՄ-ի Հայկական Համացանցային Համալսարանի (ՀՀՀ) անձնակազմի կողմէ

         Սոյն թուականի Փետրուար 10-ին, ՀՀ ԳԱԱ Հ․ Աճառեանի անուան լեզուի ինստիտուտի արեւմտահայերէնի բաժինի աշխատակիցները հիւրընկալուեցան ՀԲԸՄ-ի Հայկական Համացանցային Համալսարանի (ՀՀՀ) անձնակազմի կողմէ։ Այցելութիւնը ճանաչողական բնոյթ կը կրէր։ Երկուստեք ներկայացուցին հաստատութիւններու գործունէութիւնը, աշխատանքները, քննարկուեցան փոխհամագործակցութեան եզրերը, եղան շարք մը առաջարկներ։ Հետաքրքրական քննարկումի ընթացքին պարզ դարձաւ, որ շարք մը ծրագիրներ կարելի է համագործակցաբար իրականացնել։

        Աւարտին, արեւմտահայերէնի բաժինի աշխատակիցները շնորհակալութիւն յայտնեցին ջերմ հիւրընկալութեան համար եւ առաջարկեցին յաջորդ հանդիպումը իրականացնել ԳԱԱ Հ․ Աճառեանի անուան լեզուի ինստիտուտէն ներս։ ՀՀՀ-ի աշխատակիցները մեծ սիրով ընդունեցին փոխադարձ այցելութեան առաջարկը։ Յաջորդ հանդիպումը կ’ենթադրուի իրականացնել յառաջիկայ շաբթուան ընթացքին: