Արևմտահայերենի բաժինը հյուրընկալել էր Հ Կարեն Մնացականյանին

12/02/2024

Սույն թվականի փետրվարի 12-ին ԳԱԱ լեզվի ինստիտուտի արևմտահայերենի բաժինը հյուրընկալել էր ՀՀ ԿԳՄՍՆ արտաքին կապերի և սփյուռքի վարչության սփյուռքի հետ կապերի բաժնի պետ Կարեն Մնացականյանին: Բաժինները սերտորեն համագործակում են: Այս դեպքում խնդիրը իսպաներեն-արևմտահայերեն ինքնուսույցի քննարկումն ու դրա մասին կարծիք տալն էր: Ինստիտուտի արևմտահայերենի բաժնի գիտաշխատակից Ա. Ֆիշենկճյանը խնբագրել, սրբագրել և տպագրելու համար համապատասխան տեսքի էր բերել ինքնուսույցի արևմտահայերենի մասը: Ծավալվեց հետաքրքիր քննարկում, և ձեռք բերվեց պայմանավորվածություն, ըստ որի՝ պարոն Մնացականյանը նախ անձամբ մանրամասն կուսումնասիրի արևմտահայերենի մասը, ապա այն որոշ բուհերի համապատասխան ամբիոնների պատասխանատուների ուղարկելուց և նրանց կարծիքն ունենալուց հետո ևս մեկ անգամ կկայանա հանդիպում արդեն վերջնական եզրակացության հանգելու համար:

Մուտք գործեք մեկնաբանությունների համար

Հայտարարություններ

Գիտաժողով՝ «Բառագիտության արդի խնդիրներ»

ԳԻՏԱԺՈՂՈՎԻ ՀՐԱՎԵՐ

Հարգելի՛ գործընկերներ,

Սիրով տեղեկացնում ենք, որ ՀՀ ԳԱԱ Հ. Աճառյանի անվան լեզվի ինստիտուտը 2025 թ. հունիսի 27-ին հրավիրում է «Բառագիտության արդի խնդիրներ» խորագրով գիտաժողով:

Գիտաժողովին զեկուցումով մասնակցելու համար անհրաժեշտ է...
Միջազգային գիտաժողով՝ նվիրված ակադեմիկոս Սերգեյ Աբրահամյանի ծննդյան 100-ամյակին

Սիրով հրավիրում ենք մասնակցելու ակադեմիկոս Սերգեյ Աբրահամյանի ծննդյան 100-ամյակին նվիրվածմիջազգային գիտաժողովին, որը տեղի կունենա 2025 թ. մայիսի 19-20-ին Երևանում։ Գիտաժողովը կազմակերպում են ՀՀ ԳԱԱ հայագիտության և հասարակականգիտությունների բաժանմունքը, ԳԱԱ Հ. Աճառյանի անվան լեզվի ինստիտուտը, Խ.Աբովյանի անվան հայկական պետական...
Առաջին շրջաբերական

Հարգարժա՛ն գործընկերներ,

Սիրով տեղեկացնում ենք, որ ՀՀ ԳԱԱ Հ.Աճառյանի անվան լեզվի ինստիտուտը 2025 թ. հունիսի 12-ից 13-ը կազմակերպում է հայերենագիտական նստաշրջան՝ նվիրված ակադեմիկոս Գևորգ ...