Արդի տիպաբանական լեզվաբանության հիմնախնդիրների մասին խոսեց Սարգիս Ավետյանը

15/06/2018

Հունիսի 15-ին ՀՀ ԳԱԱ Հ. Աճառյանի անվան լեզվի ինստիտուտում տեղի ունեցավ սեմինար ՝ «Արդի տիպաբանական լեզվաբանության հիմնախնդիրները» թեմայով: Սեմինարը վարում էր Ընդհանուր և համեմատական լեզվաբանության բաժնի ավագ գիտաշխատող Սարգիս Ավետյանը:

Բանախոսը ներկայացրեց ավանդական տիպաբանության և արդի տիպաբանական լեզվաբանության մոտեցումային առանձնահատկությունները, դրույթային տարբերությունները:

Ս. Ավետյանն ասաց, որ ավանդական տիպաբանությունն ավելի շատ նկարագրական է, իսկ ժամանակակիցը՝ բացատրողական, այսպես կոչված, «ինչու»-ի տիպաբանություն, որը փորձում է պարզել փաստերի այդպիսի վիճակի կամ պատմական զարգացումների պատճառները, շարժառիթները կամ այն գործոնները, որոնք հիմք են ծառայել այդպիսի երևույթների առաջացման համար: Այնուհետև ավելացրեց. «Ավելի շատ շեշտը դրվում է տարաժամանակյա փոփոխությունների վրա, համաժամանակյա մոտեցումները դիտում ենք որպես տարաժամանակյա որոշակի փոփոխությունների զարգացման արդյունք»:

Նա նշեց, որ ժամանակակից տիպաբանական լեզվաբանությունը հիմնվում է և՛ ճանաչողական լեզվաբանության, և՛ բնական լեզվաբանության տվյալների վրա: Ճանաչողական լեզվաբանությունն ուսումնասիրում է լեզվի մտածական գործընթացները, որոնք տեղի են ունենում լեզվի յուրացման, լեզվագործածության և լեզվի պատմական փոփոխության ընթացքում, իսկ բնական լեզվաբանությունն ուսումնասիրում է լեզվի բնականության ձևաչափերը, որոնք ունեն թե՛ նշանագիտական, թե՛ ճանաչողական պայմանավորվածություն:

Սեմինարի ավարտին ինստիտուտի աշխատակիցներն ուղղեցին իրենց հարցերը Ս. Ավետյանին, ծավալվեց կառուցողական քննարկում:

Հայտարարություններ

Գիտաժողով՝ «Բառագիտության արդի խնդիրներ»

ԳԻՏԱԺՈՂՈՎԻ ՀՐԱՎԵՐ

Հարգելի՛ գործընկերներ,

Սիրով տեղեկացնում ենք, որ ՀՀ ԳԱԱ Հ. Աճառյանի անվան լեզվի ինստիտուտը 2025 թ. հունիսի 27-ին հրավիրում է «Բառագիտության արդի խնդիրներ» խորագրով գիտաժողով:

Գիտաժողովին զեկուցումով մասնակցելու համար անհրաժեշտ է...
Միջազգային գիտաժողով՝ նվիրված ակադեմիկոս Սերգեյ Աբրահամյանի ծննդյան 100-ամյակին

Սիրով հրավիրում ենք մասնակցելու ակադեմիկոս Սերգեյ Աբրահամյանի ծննդյան 100-ամյակին նվիրվածմիջազգային գիտաժողովին, որը տեղի կունենա 2025 թ. մայիսի 19-20-ին Երևանում։ Գիտաժողովը կազմակերպում են ՀՀ ԳԱԱ հայագիտության և հասարակականգիտությունների բաժանմունքը, ԳԱԱ Հ. Աճառյանի անվան լեզվի ինստիտուտը, Խ.Աբովյանի անվան հայկական պետական...
Առաջին շրջաբերական

Հարգարժա՛ն գործընկերներ,

Սիրով տեղեկացնում ենք, որ ՀՀ ԳԱԱ Հ.Աճառյանի անվան լեզվի ինստիտուտը 2025 թ. հունիսի 12-ից 13-ը կազմակերպում է հայերենագիտական նստաշրջան՝ նվիրված ակադեմիկոս Գևորգ ...