Վազգեն Համբարձումյան, Լատինաբան հայերենի պատմություն

Գիրքը նվիրված է 14-18-րդ դդ. իբրև գրական լեզու գործառած լատինաբան հայերենի համեմատաբար ամբողջական ուսումնասիրու-թյանը: Ուշադրության առարկա են լեզվական այդ տարբերակի առաջացման, արհեստականորեն արմատավորման և բնականորեն վերացման առանցքային խնդիրները, որոնք իրենց լուծումն են գտնում ոչ միայն այդ բնագավառում եղած տարբեր կարգի ուսումնասիրությունների տվյալների օգտագործմամբ, այլև առավելապես լեզվական փաստերի լայն ընդգրկմամբ ու քննությամբ: Գիրքը կարող է օգտակար լինել հայոց լեզվի պատմության, առհասարակ հայ գրավոր մշակույթի հարցերով զբաղվող մասնագետներին, ինչպես նաև ընթերցող լայն հասարակությանը: