Ապրլի 1-ը Գ. Ջահուկյանի ծննդյան օրն է

1920 թ. ապրիլի 1-ին Կալինինոյի շրջանի Շահնազար գյուղում (այժմ՝ ՀՀ Լոռու մարզի Մեծավան գյուղ) է ծնվել ականավոր լեզվաբան Գևորգ Բեգլարի Ջահուկյանը   : Ավարտել է Երևանի պետական համա­լ­սարանը (1941թ.): Որպես միջնակարգ դպրոցի ուսուցիչ աշխատել է  Հրազ­դանի շրջա­նում (1943- 1944թթ.): 1945թ. սկսել է դասախոսել Երևանի պետական հա­մալսարանում: Եղել է օտար լեզուների (1948-1957թթ.), ապա ռոմանագեր­մա­նական բանասիրության (1957-1970թթ.) ամբիոնների վարիչ: 1949թ. գիտական գոր­ծու­նեություն է ծավալել   ԳԱ լեզվի ինստիտուտում, որի տնօրենն է եղել 1962- 2005թթ.: 1947թ. ստացել է գիտությունների թեկնածուի աստիճան, 1955թ. պաշտպանել է դոկ­տորական ատենախոսություն: 1968թ. Գ.Ջահուկյանը ընտրվել է ՀՍՍՀ ԳԱ թղթա­կից անդամ, 1974 -ին՝ իսկական անդամ:

Գ.Ջահուկյանը Եվրոպայի (1974թ.) և ԱՄՆ-ի (1980թ.) լեզվաբանական ընկերու­թյուն­ների անդամ էր: Նա արժանացել է ՀԽՍՀ գիտության վաստակավոր գործչի կոչման (1965թ.), ՀԽՍՀ պետական (1988թ.) և ՀՀ գիտության ազգային (1996թ.) մրցա­նակների, պարգևատրվել է Հոկտեմբերյան հեղափոխության, Պատվո նշան, ՀՀ Ս.Մեսրոպ Մաշտոցի շքանշաններով և Մովսես Խորենացու մեդալով