Երիտասարդ լեզվաբանների հանրապետական 4-րդ գիտաժողովը

02/10/2014

ՀՀ ԳԱԱ Հ. Աճառյանի անվան լեզվի ինստիտուտում ս.թ. հոկտեմբերի 1-2-ը կայացավ Երիտասարդ լեզվաբանների հանրապետական 4-րդ գիտաժողովը: Գիտաժողովին մասնակցեցին երիտասարդ մասնագետներ հանրապետության գիտական, կրթական տարբեր հաստատություններից՝ ԳԱԱ լեզվի ինստիտուտից, Մատենադարանից, ԵՊՀ-ից, ԵՊԼՀ-ից, Մանկավարժական համալսարանից, նաև՝ բուհերի մարզային մասնաճյուղերից և Արցախի համալսարանից: Ներկայացված զեկուցումներում հարցերի շրջանակն ընդգրկուն էր. երիտասարդ հետազոտողների ուսումնասիրությունները վերաբերում էին լեզվի տարբեր փուլերին, դրսևորումներին, բառային, քերականական, ոճական առանձնահատկություններին և այլն: Գիտաժողովի ավարտին եղան ամփոփիչ ելույթներ: Լեզվի ինստիտուտի տնօրեն Վ. Կատվալյանն ընդգծեց երիտասարդական գիտաժողովների կարևորությունը. դրանք համախմբում են հանրապետության երիտասարդ լեզվաբաններին, հնարավորություն ընձեռում գիտական արդյունքներ հրապարակելու և քննարկումների միջոցով հստակեցնելու արծարծված խնդիրները: Գիտաժողովի արդյունքները կամփոփվեն նյութերի ժողովածուում:

Հայտարարություններ

ԾԱՆՈՒՑՈՒՄ

Ս.թ. հունիսի 12-13-ին կայացած «Ջահուկյանական ընթերցումներ» գիտական նստաշրջանի հարգելի՛ մասնակիցներ, «Ջահուկյանական ընթերցումներ» հանդեսին հոդվածները ներկայացնելու վերջին ժամկետը 2025թ. հուլիսի մեկն է:

Ատենախոսություններ