Լեզվի ինստիտուտի մասնակցությունը ԳԱԱ երիտասարդ գիտնականների միավորման նիստին

        Լեզվի ինստիտուտի երիտասարդ գիտնականներ Էդիտա Ալթունյանը, Օֆելյա Ավագյանը և Նաիրա Խաչիբաբյանը մասնակցեցին ՀՀ գիտությունների ազգային ակադեմիայի երիտասարդ գիտնականների ընդլայնված նիստին: Նիստի խորագիրն էր  «Երիտասարդ գիտնականների արդի խնդիրները, մարտահրավերները և գիտության զարգացման հեռանկարները ՀՀ-ում»:

          Լեզվի ինստիտուտի երիտասարդ գիտնականների խորհրդի անդամ Նաիրա Խաչիբաբյանի կողմից  հնչեցվեց գիտաչափական խնդիրների կարգավորմանն ուղղված առաջարկ, որը ներառվեց նիստի ընդարձակ արձանագրության մեջ: Երիտասարդ գիտնականների միավորման նիստը վարում էր ԳԱԱ լեզվի ինստիտուտի գիտաշխատող, ՀՀ ԳԱԱ երիտասարդ գիտնականների միավորման նախագահ Սիրանուշ Հովհաննիսյանը: