Կլոր սեղան-քննարկում կիրառական լեզվաբանության բաժնում

        Ս. թ. ապրիլի 29-ին ՀՀ ԳԱԱ լեզվի ինստիտուտի կիրառական լեզվաբանության բաժնի փորձառական հնչյունաբանության լաբորատորիայում տեղի ունեցավ լեզվի արդիական հարցերին վերաբերող կլոր սեղան-քննարկումների շարքի առաջին նիստը։ Կիրառական լեզվաբանության բաժինը մասնագիտական քննարկման էր հրավիրել ինստիտուտի արևմտահայերենի բաժնի գիտաշխատողներին:

       Նիստը վարում էին կիրառական լեզվաբանության բաժնի վարիչ Գայանե Գրիգորյանը և նույն բաժնի գիտաշխատող Սիրանուշ Հովհաննիսյանը։ Քննարկվեցին կիրառական լեզվաբանության նորագույն մեթոդներ ներդնելու հնարավորությունները արևմտահայերենի ուսումնասիրության մեջ:          Դիտարկվեցին արևելահայերեն-արևմտահայերեն արդի փոխազդեցությունները և արևելահայ-արևմտահայ լեզվական փոխըմբռնման հարցեր։

        Նիստն ամփոփվեց երկու բաժինների միջև համագործակցության նոր եզրեր և հետազոտական ընդհանուր թեմաներ մշակելու առաջարկով: