Քննարկում՝ նվիրված հայոց լեզվի արդի խնդիրներին

19/06/2019

ՀՀ ԳԱԱ Հ.Աճառյանի անվան լեզվի ինստիտուտում ս.թ. հունիսի 19-ին տեղի ունեցավ կլոր սեղան – քննարկում՝ նվիրված հայոց լեզվի արդի խնդիրներին: Քննարկմանը մասնակցեցին ակադեմիական և բուհական հաստատությունների ներկայացուցիչներ, մտավորականներ: Բացման խոսքով հանդես եկավ ինստիտուտի տնօրեն Վ.Կատվալյանը, որն առաջարկեց լեզվի խնդիրներն արծարծելիս անել առաջարկություններ, նշել խնդիրների լուծման ուղիներ: Հայոց լեզվին առնչվող տարբեր խնդիրների շուրջ ելույթներ ունեցան ԳԱԱ հայագիտության և հասարակական գիտությունների բաժանմունքի ակադեմիկոս-քարտուղար Յու.Սուվարյանը, ԳԱԱ թղթակից անդամներ Ա.Սարգսյանը, Ա.Դոլուխանյանը, ԵՊՀ հայոց լեզվի ամբիոնի վարիչ Յու.Ավետիսյանը, ԵՊԲՀ հայոց լեզվի ամբիոնի վարիչ Հ.Սուքիասյանը, լեզվի ինստիտուտի ավագ գիտաշխատող Ջ.Բառնասյանը և այլք: Քննարկմանը մասնակցում էր և ելույթ ունեցավ նաև ամերիկահայ մտավորական Հակոբ Այնթապլյանը:

Միջոցառման ընթացքում դրականորեն գնահատվեց լեզվի ինստիտուտին կից գործող Լեզվի երտասարդ պաշտպանների խորհրդի գործունեությունը, որը համակարգող Մ.Սարգսյանը ներկայացրեց կատարված աշխատանքները: Լեզվի երիտասարդ պաշտպաններին հավաստագրեր հանձնեցին Յու.Սուվարյանը, Ա.Սարգսյանը և Հ.Այնթապլյանը:

Տեղի ունեցավ նաև Հ.Այնթապլյանի և Ա.Սարգսյանի հեղինակակցությամբ լույս տեսած «Անհարկի յաճախակի գործածուող օտար բառերու հայերէն համարժէքներու բառարան» գրքի շնորհանդեսը:

Հայտարարություններ

Միջազգային գիտաժողով՝ նվիրված ակադեմիկոս Սերգեյ Աբրահամյանի ծննդյան 100-ամյակին

Սիրով հրավիրում ենք մասնակցելու ակադեմիկոս Սերգեյ Աբրահամյանի ծննդյան 100-ամյակին նվիրվածմիջազգային գիտաժողովին, որը տեղի կունենա 2025 թ. մայիսի 19-20-ին Երևանում։ Գիտաժողովը կազմակերպում են ՀՀ ԳԱԱ հայագիտության և հասարակականգիտությունների բաժանմունքը, ԳԱԱ Հ. Աճառյանի անվան լեզվի ինստիտուտը, Խ.Աբովյանի անվան հայկական պետական...
Առաջին շրջաբերական

Հարգարժա՛ն գործընկերներ,

Սիրով տեղեկացնում ենք, որ ՀՀ ԳԱԱ Հ.Աճառյանի անվան լեզվի ինստիտուտը 2025 թ. հունիսի 12-ից 13-ը կազմակերպում է հայերենագիտական նստաշրջան՝ նվիրված ակադեմիկոս Գևորգ ...