Գիտական քննարկում ընդհանուր և համեմատական լեզվաբանության բաժնում

         Հունիսի 7-ին  ինստիտուտի ընդհանուր և համեմատական լեզվաբանության բաժնում տեղի ունեցավ հերթական գիտական քննարկումը՝ «Ջ. Գրինբերգի դերը լեզվաբանական պատմության մեջ» թեմայով: Ըստ բանախոսի՝ Ջ. Գրինբերգը իրավամբ համարվում է արդի տիպաբանության հիմնադիրը՝ շնորհիվ բազմաթիվ լեզվական պայմանավորողական  ընդհանրույթների ձևավորման: Նա նշեց, որ Ջ. Գրինբերգը լեզվաբանական տիպաբանության պատմության մեջ եռակի դեր է խաղացել: Նրա ներդրումը մեծ է եղել ոչ միայն պայմանավորողական ընդհանրույթների ուսումնասիրության սկզբնավորման հարցում, այլև ավանդական ձևաբանական տիպաբանության հետագա զարգացման՝ լեզուների դասակարգման սեպիրյան երեք հարաչափերի հետագա մշակմամբ,  հինգ հարաչափերի առաջ քաշման  առումով: Բացի այդ Ջ. Գրինբերգը մեծ ավանդ ունի նաև լեզվական նշույթավորվածության արդի ըմբռնման ձևավորման հարցում: