Քննարկում՝ նվիրված Արագածոտնի մարզում իրականացված բարբառագիտական գիտարշավին

12/04/2019

Ս. թ. ապրիլի 12-ին ԳԱԱ Հ. Աճառյանի անվան լեզվի ինստիտուտի բարբառագիտության բաժնում տեղի ունեցավ քննարկում՝ նվիրված Արագածոտնի մարզում իրականացված բարբառագիտական գիտարշավին:

Աշտարակ քաղաքում և Մուղնի գյուղում իրականացված գիտարշավի արդյունքների մասին հաղորդումներով հանդես եկան գիտարշավի մասնակիցներ Վ. Կատվալյանը, Հ. Խաչատրյանը և Ա. Վարդանյանը: Խոսվեց նշված բնակավայրերում բարբառային խոսքի ներկա վիճակի, հնչյունական, ձևաբանական, բառապաշարային առանձնահատկությունների և նկատված փոփոխությունների մասին:

Որպես Արարատյան բարբառի կենսունակ (կայուն) հատկանիշներ՝ նշվեցին այդ խոսվածքներում շնչեղ ձայնեղների առկայությունը, բառապաշարի որոշակի շերտերի գործածությունը, իսկ որպես ոչ կենսունակ (մարող) հատկանիշներ՝ բառասկզբի հո հնչյունակապակցության դիմաց ֆօ-ի մարումը, բառասկզբում և բառամիջում քմայնացած գ,կ,ք հնչյունների դիմաց ջ,ճ,չ բաղաձայնների գործածության նվազման միտումը և այլն:

Քննարկման ընթացքում կարևորվեցին Հայաստանի մարզերում առաջիկա տարիներին իրականացվելիք համանման աշխատանքները, որոնցով պետք է ամբողջանա երկրի բարբառային համապատկերը:

Հայտարարություններ

Ուշադրությու՛ն

ՀՀ ԳԱԱ Հ․ Աճառյանի անվան լեզվի ինստիտուտի կիրառական լեզվաբանության բաժինը շարունակում է սեմինարների շարքը՝ նվիրված էլեկտրոնային պաշտոնական հաղորդակցման յուրահատկություններին և ժամանակակից տեխնոլոգիաներից օգտվելու եղանակներին։

Շարքի հերթական սեմինարը տեղի կունենա նոյեմբերի 20-ին ՀՀ ԳԱԱ լեզվի ինստիտուտի կիրառական...
«Շրջիկ ազատ դպրոց» բարեգործական նախագիծ

ՀՀ ԳԱԱ Հ. Աճառյանի անվան լեզվի ինստիտուտի երիտասարդ գիտնականների խորհրդի նախաձեռնությամբ մեկնարկում է բարեգործական նախագիծ՝ արցախյան բռնի տեղահանության արդյունքում տուժած մանկապատանեկան համայնքի համար:

ՀՀ ԳԱԱ Հ. Աճառյանի անվան լեզվի ինստիտուտի երիտասարդ գիտնականների խորհուրդը, գործակցելով ՀՀ ԳԱԱ...
ԳԻՏԱԺՈՂՈՎԻ ՀՐԱՎԵՐ

Հարգելի՛ բարեկամներ,

Սիրով հրավիրում ենք մասնակցելու «Հայոց լեզվի ուսումնասիրության և ուսուցման արդի խնդիրներ» խորագրով միջազգային գիտաժողովին:

✓ Գիտաժողովը տեղի կունենա ս.թ. փետրվարի 21-ին:

✓ Գիտաժողովի անցկացման վայրը` Երևան, Հայաստանի Հանրապետություն

✓ Գիտաժողովի...

Ատենախոսություններ