Ջահուկյանական ընթերցումներ-2014

12/06/2014

ՀՀ ԳԱԱ Հ.Աճառյանի անվան լեզվի ինստիտուտում իր աշխատանքներն սկսեց «Ջահուկյանական ընթերցումներ» միջազգային հայերենագիտական գիտաժողովը:  Այս խորագրով ամենամյա գիտաժողովներ լեզվի ինստիտուտում կազմակերպվում են 2006 թ. սկսած: ՀՀ ԳԱԱ հայագիտության և հասարակական գիտությունների բաժանմունքի ակադեմիկոս-քարտուղար, ակադեմիկոս Յու.Սուվարյանը իր բացման խոսքում նշեց, որ անցած տարիների ընթացքում գիտական հանրության ուշադրությանն են ներկայացվել լեզվի ուսումնասիրության տարբեր բնագավառներին վերաբերող հարյուրավոր աշխատանքներ, տեղի են ունեցել արդյունավետ քննարկումներ և բանավեճեր, որոնք էականորեն նպաստել են հայ լեզվաբանական մտքի զարգացմանը:

Այս անգամ գիտաժողովին մասնակցության հայտ են ներկայացրել շուրջ հինգ տասնյակ գիտնականներ ինը երկրներից (Հայաստան, ԱՄՆ, Կանադա, Ավստրիա, Շվեդիա, Իրան, Եգիպտոս, Սիրիա, Լիբանան): Զեկուցումներում արծարծվելու են հայոց լեզվի զարգացմանը, կառուցվածքին ու գործառույթներին վերաբերող բազմազան հարցեր: Գիտաժողովի մասնակիցներին ողջունեցին ԱՄՆ հայագիտական ուսումնասիրությունների ընկերակցության նախագահ, ՀՀ ԳԱԱ արտասահմանյան անդամ  Գևորգ Բարդակչյանը, ՀՀ ԳԱԱ Մ.Աբեղյանի անվան գրականության ինստիտուտի տնօրեն Ավետիք Իսահակյանը:

 Գիտաժողովի կազմկոմիտե                                 

 

Հայտարարություններ

Ատենախոսություններ

Էլահեհ Թաղվաեի «Իսֆահանի տեղանունները»

 (թեկնածուական ատենախոսություն)  Ժ.02.02 «Ընդհանուր և համեմատական  լեզվաբանություն»

03.12.2018, ժ.15-ին

Գիտական  ղեկավար...

Հայկ Վալերիի Հարությունյան «Հարֆի հայեցակարգը արաբական լեզվաբանության մեջ. տիպաբանական և համեմատական ուսումնասիրություն»

(թեկնածուական ատենախոսություն)  Ժ.02.02 «Ընդհանուր և համեմատական  ...

 
Education - This is a contributing Drupal Theme
Design by WeebPal.