Հ. Պեդերսենը և հայագիտության արդի խնդիրները

15/02/2021

ՀՀ ԳԱԱ Հ. Աճառյանի անվան լեզվի ինստիտուտում տեղի ունեցավ սեմինար` «Հ. Պեդերսենը և հայագիտության արդի խնդիրները» թեմայով: Սեմինարը վարում էր ընդհանուր և համեմատական լեզվաբանության բաժնի վարիչ Վ. Համբարձումյանը: Բանախոսը սկզբում ներկայացրեց Պեդերսենի կյանքի և հայագիտական գործունեության ընդհանուր բնութագիրը, այնուհետև անդրադարձավ բուն նյութին` հետևյալ խմբավորմամբ. 1)ի՞նչ է տվել հայագիտությանը Պեդերսենը, 2)ի՞նչ տեսություն է առաջ քաշել լեզուների դասակարգման առումով, 3)ի՞նչ լեզվաբանական գյուտ է արել: Նշվեց, որ Պեդերսենի աշխատությունները վերաբերում են պատմահամեմատական լեզվաբանությանը, մասնավորապես` հնդեվրոպական, խեթական, ուգրա-ֆիննական, սեմական լեզունների համեմատական ուսումնասիրությանը: Ըստ բանախոսի` Պեդերսենը մեծ ավանդ է ունեցել հայերենագիտության զարգացման գործում, հրատարակել է մի շարք հայերենագիտական աշխատություններ, որտեղ քննել է հայերենի հնչյունական օրենքները հնդեվրոպական բաղաձայնական ընդհանրությունների համակարգի մեջ: Բացի այդ նշվեց, որ Պեդերսենը համարվում է նոստրատիկ լեզվաբության հիմնադիրը, ըստ որի մի շարք լեզուներ և լեզվաընտանիքներ մտնում են մեկ մակրոընտանիքի մեջ:

Սեմինարի ավարտին տրվեցին հարցեր, որոնց պատասխանեց բանախոսը:

Մուտք գործեք մեկնաբանությունների համար

Հայտարարություններ

Թերապևտիկ բաղադրիչով գիտագործնական թրեյնինգային մոդուլին մասնակցելու հրավեր

ՀՀ ԳԱԱ Հ. Աճառյանի անվան լեզվի ինստիտուտի կիրառական լեզվաբանության բաժնի նյարդահոգելեզվաբանության լաբորատորիան սկսում է 3 հանդիպումից բաղկացած թերապևտիկ բաղադրիչով գիտագործնական թրեյնինգային մոդուլ «Սթրեսից դեպի կայունություն. խոսքը՝ որպես հոգեբանական խնամքի և դիմակայման քայլ (հոգեբանական օգնություն և ուղեցույց)»...

Ատենախոսություններ