2019թ. փետրվարի 27-ին ՀՀ ԳԱԱ Հ. Աճառյանի անվան լեզվի ինստիտուտի կիրառական լեզվաբանության բաժնում տեղի ունեցավ գիտական քննարկում` նվիրված «Հայերենի բառապաշարի համակարգչային շտեմարան» գիտական նախագծին: Նախագծի հեղինակ բ.գ.թ. Ֆ. Հակոբյանը, կարևորելով էլեկտրոնային բառարանագրության արդի փուլում հայերենի բառապաշարի համակարգչային շտեմարանի ստեղծման խնդիրը, նշեց. «Հայերենը համացանցային լեզու դարձնելու, այն տեղեկատվական տեխնոլոգիաների բնագավառում հաջողությամբ գործածելու համար առաջին հերթին անհրաժեշտ է նկարագրել և ներկայացնել հայերենի բառապաշարը՝ օգտագործելով ժամանակակից համակարգչային տեխնիկայի անընդհատ ու շարունակական զարգացումները։ Էլեկտրոնային շտեմարանում բառամիավորների նկարագրության սկզբունքները մշակելիս նկատի ենք ունեցել համակարգչային բառարանագրության ուսանելի փորձն ու հայերենի լեզվական առանձնահատկությունները: Շտեմարանում հայերենի բառապաշարը ներկայացվելու է իր համաժամանակյա վիճակով, կատարվելու է բառապաշարի հնարավորինս ամբողջական իմաստային դասակարգում, ներկայացվելու են բառերի հասկացական և իմաստային փոխհարաբերությունները, տրվելու են գլխաբառի հնչյունական, բառակազմական, բառիմաստային ու քերականական սպառիչ բնութագրերը: Կարելի է վստահորեն ասել, որ լեզվաբանական նպատակներով շտեմարանի կիրառությունը զարգացման միանգամայն նոր աստիճանի կհասցնի հայերենի գործածությունը տեղեկատվական տեխնոլոգիաների բնագավառում:
«Հայերենի բառապաշարի համակարգչային շտեմարան» գիտական նախագիծն առանձին կայքով կներկայացնենք ընթացիկ տարում»:
Անուշ Անդրանիկի Խաչատրյան «Էլեկտրոնային մամուլի լեզուն (բառային կազմ, քերականական համակարգ)»
(թեկնածուական ատենախոսություն) Ժ.02.01 «Հայոց լեզու»
30.04.2024, ժ.15-ին
...
Վալտեր Տիգրանի Բերբերյան «Հայ ոճագիտական մտքի զարգացման հիմնախնդիրները (1950-2020-ական թթ.)»
(թեկնածուական ատենախոսություն) Ժ.02.01 «Հայոց լեզու»
26.01.2024, ժ.15-ին
...
