Գիտական քննարկում հայոց լեզվի պատմության բաժնում

18/09/2019
         Սեպտեմբերի 18-ին հայոց լեզվի պատմության բաժնում տեղի ունեցած հերթական գիտական քննարկումը  վերաբերում էր Ղազար Փարպեցու երկերում գործածված հունաբան լեզվական իրողություններին։ Բանախոսը նախ համառոտ ներկայացրեց հունաբան դպրոցի սկզբնավորման, հունարենի ազդեցության բնույթի մասին լեզվաբանների տեսակետները, ապա անդրադարձավ հունաբան այն բաղադրություններին, որոնք վկայվել են Փարպեցու գործերում։ Սկզբում ներկայացվեցին հունաբան նախածանցներով կազմությունները, ինչպես՝  համածին, նախագիւտ, շարագիր, տարակոյս և այլն, ապա նաև այլ բաղադրություններ, այդ թվում և՝ բարդ բառերի վերջին բաղադրիչի ստորադասությամբ հունաբան բառեր՝ ջնջագիր /գիրը ջնջված/, սարահարթ, անորոշ դերբայ+ութիւն կաղապարով ածանցավոր բառեր՝ ատելութիւն, երևելութիւն, կամելութիւն, գիտելութիւն և այլն, -պէս վերջածանցով բառերի ածականական կիրառութիւն՝ հզօրապէս ճոխութիւն, ճշմարտապէս հովիւ և այլն։
         Քննարկման մասնակիցները հանդես եկան արժեքավոր դիտողություն­նե­րով։   Բանա­խո­սին մաս­նավորապես խորհուրդ տրվեց առավել մանրակրկիտ ուսում­նասիրու­թյուն­ներ կատարելու, հետագայում առավել հանգամանալից անդրադառնալու հունաբան շարահյուսա­կան կառույց­նե­րին։

Հայտարարություններ

  •          ՀՀ ԳԱԱ Հ․ Աճառյանի անվան լեզվի ինստիտուտի կիրառական լեզվաբանության բաժինը շարունակում է սեմինարների շարքը՝ նվիրված էլեկտրոնային պաշտոնական հաղորդակցման յուրահատկություններին և ժամանակակից տեխնոլոգիաներից օգտվելու եղանակներին։

             Շարքի հերթական սեմինարը տեղի կունենա նոյեմբերի 20-ին ՀՀ ԳԱԱ լեզվի ինստիտուտի կիրառական...

  •               ՀՀ ԳԱԱ Հ. Աճառյանի անվան լեզվի ինստիտուտի երիտասարդ գիտնականների խորհրդի նախաձեռնությամբ մեկնարկում է բարեգործական նախագիծ՝ արցախյան բռնի տեղահանության արդյունքում տուժած  մանկապատանեկան համայնքի համար:
                ՀՀ ԳԱԱ Հ. Աճառյանի անվան լեզվի ինստիտուտի երիտասարդ գիտնականների խորհուրդը, գործակցելով ՀՀ ԳԱԱ...
  •  
    Հարգելի՛ բարեկամներ,
    Սիրով հրավիրում ենք մասնակցելու «Հայոց լեզվի ուսումնասիրության և ուսուցման արդի խնդիրներ» խորագրով միջազգային գիտաժողովին:
     
    ✓  Գիտաժողովը տեղի կունենա ս.թ. փետրվարի 21-ին:
    ✓  Գիտաժողովի անցկացման վայրը` Երևան, Հայաստանի Հանրապետություն
    ✓  Գիտաժողովի...

Ատենախոսություններ

Վալտեր  Տիգրանի Բերբերյան  «Հայ ոճագիտական մտքի զարգացման հիմնախնդիրները (1950-2020-ական թթ.)»

 (թեկնածուական ատենախոսություն)  Ժ.02.01 «Հայոց   լեզու»

26.01.2024, ժ.15-ին

...

Շուշանիկ Իշխանի Զաքարյան  «Բայի սեռի ձևաբանական, շարահյուսական և իմաստային

 յուրահատկությունները ժամանակակից թուրքերենում (հայերենի զուգադրությամբ)»

 (թեկնածուական ատենախոսություն) ...

 
Education - This is a contributing Drupal Theme
Design by WeebPal.