Հուլիսի 4-ին հայոց լեզվի պատմության բաժնում տեղի ունեցած գիտական քննարկումը վերաբերում էր ձեռագրերի՝ տարբեր դարերի հիշատակարաններում վկայված, սակայն որևէ բառարանում չարձանագրված, մեկնության կարիք ունեցող բաղադրյալ բառերի իմաստների բացատրությանն ու բաղադրիչների վերլուծությանը։ Բանախոսը, ապավինելով նորահայտ բառերի գործածության առանձնահատկություններին, դրանց արմատական բաղադրիչների ծագման, իմաստային և հնչյունական առնչությունների վերաբերյալ բառարանային ու առհասարակ հայերենագիտական տվյալներին, հանդես եկավ որոշ պարզաբանումներով, ներկայացրեց բառարմատների լծորդություններ, իմաստափոխության և հնչյունափոխության դրսևորումներ։ Տեղի ունեցավ մտքերի աշխույժ փոխանակություն։ Քննարկման մասնակիցները տարբեր բառերի առնչությամբ արտահայտեցին իրենց տեսակետները, փորձեցին համատեղ ջանքերով որոշ ճշգրտումներ կատարել։
Դոկտորական ատենախոսություն Մհեր Սուրենի Քումունց
Մհեր Սուրենի Քումունց «Արցախ-Սյունիքի բարբառային բառապաշարը»
(դոկտորական) Ժ.02.01 «Հայոց լեզու»
05.12.2025, ժ.15-ին
...
