Հունիսի 10-ին հայոց լեզվի պատմության բաժնում տեղի ունեցավ գիտական քննարկում հայերեն ձեռագրերի՝ 13-րդ դարի հիշատակարաններում վկայված բառատարբերակների շուրջ։ Բանախոսը նախ նշեց, որ, ի տարբերություն գրավոր այլ աղբյուրների, հիշատակարաններն աչքի են ընկնում կենդանի խոսակցական, բարբառային իրողությունների առատությամբ։ Այնուհետև ներկայացվեցին բառերի թե′ հնչյունական և թե′ բառակազմական տարբերակներ։ Նկատվեց, որ վերջիններս արտացոլում են միջինհայերենյան հնչյունափոխական դրսևորումները, բարբառային տարբերությունները, հիշատակագիրների սխալագրություններն ու սխալակազմությունները։ Որոշ օրինակներ էլ աղերսվում են արդի բարբառային-խոսակցական հայերենին. տենալ /տեսնել/ , թաթխել /թաթախել/, եղբար /եղբայր/ , քուր // քոր /քույր/ ևլն։
Քննարկման մասնակիցները հանդես եկան ուշագրավ դիտողություններով, հետագա ուսումնասիրությունները խորացնելու և առավել արդյունավետ կազմակերպելուն միտված առաջարկություններով։
Անուշ Անդրանիկի Խաչատրյան «Էլեկտրոնային մամուլի լեզուն (բառային կազմ, քերականական համակարգ)»
(թեկնածուական ատենախոսություն) Ժ.02.01 «Հայոց լեզու»
30.04.2024, ժ.15-ին
...
Վալտեր Տիգրանի Բերբերյան «Հայ ոճագիտական մտքի զարգացման հիմնախնդիրները (1950-2020-ական թթ.)»
(թեկնածուական ատենախոսություն) Ժ.02.01 «Հայոց լեզու»
26.01.2024, ժ.15-ին
...
