Գիտական քննարկում հայոց լեզվի պատմության բաժնում

29/04/2019

Ս.թ. ապրիլի 29-ին հայոց լեզվի պատմության բաժնի քննարկման նյութը ձեռագրերի՝ 13-րդ դարի հիշատակարաններում գործածված այն բառերն էին, որոնք, հայոց լեզվի զարգացման նախորդ փուլերում սակավ գործածություն ունենալով, պահպանվել են հայերենի որոշ բարբառներում։

Ըստ բանախոսի՝ այդ բառերը, ամենայն հավանականությամբ, բնորոշ են եղել առանձին տարածքների։ Բառարանային տվյալների համաձայն՝ մի քանի բառեր քննվող հիշատակարաններում եզակի վկայություններ են։ Դիտարկված բառերից են՝ գէշ «տգեղ», թաթաւ «անձրև», կաղուել «ցրտից կուչ գալ», կորդ «խոպան, անմշակ», դոն «հացի տեսակ» և այլն։

Քննարկմանը մասնակցում էր նաև ինստիտուտի տնօրեն Վ. Կատվալյանը, որը արժեքավոր դիտողություն արեց գրավոր աղբյուրներում վկայված բարբառային իրողությունները վերհանելու և տարբերակելու առումով։ Բաժնի գիտաշխատակիցները ևս արտահայտվեցին որոշ հարցերի մասին։

Հայտարարություններ

Ուշադրությու՛ն

ՀՀ ԳԱԱ Հ․ Աճառյանի անվան լեզվի ինստիտուտի կիրառական լեզվաբանության բաժինը շարունակում է սեմինարների շարքը՝ նվիրված էլեկտրոնային պաշտոնական հաղորդակցման յուրահատկություններին և ժամանակակից տեխնոլոգիաներից օգտվելու եղանակներին։

Շարքի հերթական սեմինարը տեղի կունենա նոյեմբերի 20-ին ՀՀ ԳԱԱ լեզվի ինստիտուտի կիրառական...
«Շրջիկ ազատ դպրոց» բարեգործական նախագիծ

ՀՀ ԳԱԱ Հ. Աճառյանի անվան լեզվի ինստիտուտի երիտասարդ գիտնականների խորհրդի նախաձեռնությամբ մեկնարկում է բարեգործական նախագիծ՝ արցախյան բռնի տեղահանության արդյունքում տուժած մանկապատանեկան համայնքի համար:

ՀՀ ԳԱԱ Հ. Աճառյանի անվան լեզվի ինստիտուտի երիտասարդ գիտնականների խորհուրդը, գործակցելով ՀՀ ԳԱԱ...
ԳԻՏԱԺՈՂՈՎԻ ՀՐԱՎԵՐ

Հարգելի՛ բարեկամներ,

Սիրով հրավիրում ենք մասնակցելու «Հայոց լեզվի ուսումնասիրության և ուսուցման արդի խնդիրներ» խորագրով միջազգային գիտաժողովին:

✓ Գիտաժողովը տեղի կունենա ս.թ. փետրվարի 21-ին:

✓ Գիտաժողովի անցկացման վայրը` Երևան, Հայաստանի Հանրապետություն

✓ Գիտաժողովի...