Գիտական քննարկում բարբառագիտության բաժնում

       Սոյն թուականի փետրուարի 28-ին  ՀՀ ԳԱԱ Հ. Աճառեանի անուան լեզուի ինստիտուտի բարբառագիտութեան բաժնում տեղի ունեցաւ հերթական գիտական քննարկումը։ Այս անգամ այն նուիրուած էր  ՀՀ լեզուի մասին օրէնքին։ Մասնաւորաբար քննարկուեցին «պետական լեզուն հայերէնն է», «պաշտօնական լեզուն գրական հայերէնն է», «ՀՀ-ն նպաստում է հայերէնի ուղղագրութեան միասնականացմանը» դրոյթները։ Բաժնի աշխատակիցները ներկայացրին իրենց կարծիքները լեզուի մասին օրէնքի վերոնշեալ դրոյթների, ինչպէս նաև հայերէնի տարածքային տարբերակների՝ պետական լեզուի մաս լինելու վերաբերեալ։

        Ըստ այսմ՝ փաստեցին.

        ա) Հայերէնի բարբառները՝ որպէս պետական լեզուի մաս,  ՀՀ տարածքում գերակայութիւն ունեցող լեզուաորակներ են և պէտք է գտնուեն պետական հոգածութեան ներքոյ։  

        բ) Գրական արևմտահայերէնը և գրական արևելահայերէնը՝ որպէս պաշտօնական լեզուի երկու ճիւղեր, հաւասարապէս իրաւասու են ծառայելու ՀՀ պաշտօնական գործառոյթներին և հասարակութեան գրական ու գիտական պահանջներին։

        գ) Աւանդական ուղղագրութիւնը՝ որպէս հայ ժողովրդի բազմադարեայ  գրաւոր մշակոյթի հիմք, ազատօրէն կարող է գործածուել նաև  ՀՀ տարածքում։

                                                                                      

                                                                                                  Հայկանուշ Մեսրոպեան