ԳԵՎՈՐԳ ՋԱՀՈՒԿՅԱՆ-100

02/10/2020

        40 տարուց ավելի ղեկավարում էր լեզվի ինստիտուտը. մի հիմնարկ, որտեղ իշխում էին միտքը, արդարությունը: Ամեն մի աշխատող իրեն զգում էր գնահատված, հարգված: Ատենախոսությունների անաչառ պաշտպանություններ, հստակ, ուղղամիտ, գործին օգուտ բերող քննարկումներ, անհրաժեշտ դիտարկումներ, որոնցից ոչ ոք չէր էլ մտածում նեղանալ, նեղսրտել, խռովել, չարանալ: Շնորհակալությամբ էին ընդունվում գործընկերների դիտողությունները, աշխատանքը հնարավորինս անթերի տեսնելուն միտված նկատառումները: Ջահուկյանի կողքին էր խոշոր գիտնականների խումբ՝ Հովհ. Մուրադյան, Էդ. Աղայան, Գ. Սևակ, Վ. Առաքելյան, Ս. Աբրահամյան և այլք: Ակնհայտ են հրաշալի աշխատանքային արդյունքները՝ 1960-2000-ական թթ. հրատարակությունների բարձր մակարդակ, որոնք հետագա տարիներին կարող են նշաձող լինել, փոխադարձ հարգանքի վրա հիմնված մարդկային հրաբերություններ, հավատ, վստահություն:

Հարուստ ավանդույթներ ունեցող մեր ինստիտուտը շարունակում է իր գործունեությունը և այդպիսին կլինի նաև հետագա տարիներին:

Տարիների հեռվից մի-երկու հուշ:

  • Գ. Ջահուկյանի ամեն հոբելյանից առաջ միջանցքի հայտարարությունների տախտակին հայտնվում էր հետևյալ գրությունը. «Հոբելյարի խնդրանքով մեծարանքի պաշտոնական հանդես տեղի չի ունենա: Խնդրում ենք շնորհավորանքները ուղարկել ինստիտուտի հասցեով. Երևան, Աբովյան 15, Աճառյանի անվան լեզվի ինստիտուտ»: Այսօր ՀՀ ազգային արխիվում պահպանվում են աշխարհի բոլոր անկյուններից, խոշոր գիտական կենտրոններից, հայտնի գիտնականներից ստացած հարյուրավոր շնորհավորանքները:
  • Այդ տարիներին աշխատած մեր բոլոր աշխատողները կհիշեն, որ հարբուխով հիվանդ որևէ մեկը չէր կարող մտնել տնօրենի կաբինետ: Համավարակի այս օրերին հատկապես նորից դա կարևորեցինք:
  • Գ. Ջահուկյանը գրում էր A4 թղթի շրջերեսին, կիսած վիճակում: «Ինչ ժլատ մարդ է»,_ մտածում էինք սկզբում: Հետո հասկացանք: Հիմա մենք նույնն ենք անում: Թուղթ ստանալու համար ծառ են կտրում: Ափսոս է. թուղթը, ծառը, բնությունը պետք է խնայել:
  • Մնացել է բերդը մեզ,
    Հաղթանակի երթը մեզ,
    Անց են կացել` ով կային,
    Հիմի կգա հերթը մեզ։

Ափսոս է նաև ժամանակը անիմաստ, անպտուղ վատնելը: Պահպանենք և բազմապատկենք մեզ հասած հարուստ հայերենագիտական ժառանգությունը:

 

Անահիտ Գալստյան

Հայտարարություններ

  •          Առկա իրավիճակից ելնելով՝  ս․թ․ հոկտեմբերի 15-16-ին նախատեսված՝  ակա­դեմի­կոս  Գևորգ Ջահու­կյա­նի ծննդյան 100-ամյակին նվիր­ված Հայերենա­գիտական միջազգային գիտա­ժո­ղովը  հետաձգվում է։  Գիտաժողովի անցկացման ժամկետի մասին լրացուցիչ կտեղեկացվի։

  •   Հարգելի՛ գործընկեր,
             Հրավիրում ենք մասնակցելու «Լեզու և խոսք » խորագրով առցանց գիտաժողովին։
    Գիտաժողովին մասնակցելու համար անհրաժեշտ է ս.թ. սեպտեմբերի  20-ից  մինչև հոկտեմբերի  30-ը գի­տա­կան զեկուցման տեքստ ուղարկել viktorkatvalyan@mail.ru ,  ...

Ատենախոսություններ

Թամարա Նելսիկի Պողոսյան «17-րդ դարի աշխարհաբար տպագիր գրքերի լեզվական  քննություն»

 (թեկնածուական ատենախոսություն)  Ժ.02.01 «Հայոց   լեզու»

30.03.2020, ժ.15-ին

Գիտական ...

Զարուհի Հրայրի Խաչատրյան «Ձիանունները պարսկերենում և հայերենում․ համեմատական քննություն»

 (թեկնածուական ատենախոսություն)  Ժ.02.02 «Ընդհանուր և համեմատական  լեզվաբանություն»

10.02....

 
Education - This is a contributing Drupal Theme
Design by WeebPal.