ԴԱՍ Ե. Բայի ներկա ժամանակը գրաբարում. լծորդություններ

1. Համեմատիր,  որոշիր ներկա ժամանակի ձևավորման ընդհանրությունները և տարբերությունները.

2.Համեմատիր,  որոշիր, թե աշխարհաբարյան բայի Ա /աղալ, գոռալ, մնալ/ և Ե /վազել, հիշել, գերել/ լծորդությունների  դիմաց  ինչ լծորդություններ ունի բայը  գրաբարում:

Ծանոթություն:  Գրաբարում  Ի  լծորդության բայերը  իլ վերջավորության փոխարեն ունենում են  ել  վերջավորություն, ինչպես  Ե  լծորդության բայերը:

Վարժություն 6.  Գրաբարյան ներկա ժամանակով խոնարհիր հետևյալ բայերը.  ա/ Ե լծորդություն՝ բերել, գրաւել, զարդարել, կարծել, հերկել,  բ/ Ա լծորդություն՝ աղալ, գոռալ, խնդալ, մնալ, ցնծալ,  գ/ Ի լծորդություն՝  բազմել, խորհել, կամել /կամենալ/, նստել, հայել,  գ/ Ու լծորդություն՝  զենուլ /մորթել/, թողուլ, լնուլ /լցնել/, կիզուլ, յաւելուլ:

Վարժություն 7.  Կարդա և թարգմանիր.

Սուտ խօսիս դու: Ոչ դադարեն անձրևքն: Խօսք թռչին, գիր մնայ: Աշակերտքս ուսանին, լսեն, ընթեռնուն եւ գրեն: Եթէ կամիս, կարես ընթեռնուլ: Զբօսնու ժողովուրդն: Ուտեն հաց եւ ըմպեն ջուր: Կոյրք տեսանեն, կաղք գնան: Ես ննջեմ եւ սիրտ իմ արթուն կայ: Աշակերտքն ունկն դնեն վարդապետին: Անմիտք ծիծաղին ի ժամու եւ ի տարաժամու: Վիրաւորք անկանին /ընկնում են/: Շինէ եւ գիւղ մի: Փախստական լինի Կադմոս առ Հայկ: Պատուէր տայ զօրապետաց:  Պատահէ Կամսարականն Սպանդարատ խմբի մեծի: Կամին զքեզ տեսանել: Երթայ ի տուն: Երթամ ես առ առաքիչն իմ: Ոã áù Ç Ó¿Ýç ѳñó³Ý¿ óÇë /ինձ/: Ոչ երկնչի ի նմանէ: Ամենայն չարիք մտանեն ի միտս մարդոյ յանուսումնութենէ:  Հասանէ  յԱյրարատ գաւառ և ի Դուին քաղաք: Մտանէ ի բանակն այլազգեացն: Յիսուս գայ ի Յորդանան: Յովհաննէս արգելու զնա: Դստերք ելանեն հանել ջուր: Աչք նորա հային ի տնանկս:  Կորիւնք առիւծուց մռնչեն եւ յափշտակեն: Դու տաս կերակուր նոցա ի ժամու:

            Վարժություն 8. Դուրս գրիր Վարժություն 7-ի դիմավոր բայերը և խմբավորիր ըստ լծորդությունների /Ե, Ի, Ա, Ու/:

1. Գրավոր շարադրիր դասի ամբողջական բովանդակությունը՝ ներկայացված նյութից օրինակներ բերելով և պատասխանելով հետևյալ հարցերին.  

1. Բայի ներկա ժամանակաձևը կազմության ի՞նչ յուրահատկություններ ունի գրաբարում:
2. Ի՞նչ լծորդություններ ունի բայը  գրաբարում:
3. Ի լծորդության բայերի սկզբնաձևը գրաբարում ի՞նչ առանձնահատկություն ունի:
4.   Ի՞նչ ընդհանրություն կա Ե լծորդության բայերի ներկա ժամանակաձևի վերջավորությունների և եմ   բայի ներկայի ձևերի միջև:

  Որո՞նք են Ա, Ու, Ի լծորդությունների բայերի ներկա ժամանակաձևի վերջավորությունները գրաբարում