Սերգեյ Աբրահամյանի 90-ամյակին նվիրված հանրապետական գիտաժողով

27/03/2015

ՀՀ ԳԱԱ լեզվի ինստիտուտում մարտի 26-27- ին կայացավ մեծանուն լեզվաբան, ակադեմիկոս Սերգեյ Աբրահամյանի 90-ամյակին նվիրված հանրապետական գիտաժողովը։ Շատ հետաքրքիր զեկուցումներով հանդես եկան ոչ միայն հանրապետության տարբեր բուհերի և գիտական հաստատությունների, այլև ԼՂՀ պետական համալսարանի ներկայացուցիչներ՝ արծարծելով ժամանակակից հայերենի կառուցվածքին, գործառությանն ու զարգացմանն առնչվող տարաբնույթ հարցեր։ Անվանի գիտնականների կողմից կրկին ու կրկին փաստվեց մեծ գիտնականի ծանրակշիռ վաստակն ու գիտամանկավարժական գործունեությունը։ Ժամանակակիցների հուշերն ու գիտնականին բոլոր կողմերից բնութագրող հետաքրքիր ֆիլմի ցուցադրությունը յուրօրինակ հմայք հաղորդեցին գիտաժողովին։ Հաջողված գիտաժողովի մասին գիտնականի զավակներ Անահիտ և Աշոտ Աբրահամյանների շնորհակալական խոսքով ավարտվեց բոլոր առումներով հետաքրքիր և գիտական կյանքում շահեկանորեն առանձնացող այս հիշարժան գիտական նստաշրջանը։

Հայտարարություններ

Ատենախոսություններ

Էլահեհ Թաղվաեի «Իսֆահանի տեղանունները»

 (թեկնածուական ատենախոսություն)  Ժ.02.02 «Ընդհանուր և համեմատական  լեզվաբանություն»

03.12.2018, ժ.15-ին

Գիտական  ղեկավար...

Հայկ Վալերիի Հարությունյան «Հարֆի հայեցակարգը արաբական լեզվաբանության մեջ. տիպաբանական և համեմատական ուսումնասիրություն»

(թեկնածուական ատենախոսություն)  Ժ.02.02 «Ընդհանուր և համեմատական  ...

 
Education - This is a contributing Drupal Theme
Design by WeebPal.