«Հրաշագործ Նռանէ» գրքի շնորհանդեսը

30/10/2019

12-ամյա աշակերտուհի Ժասմին Հայրապետյանի «Հրաշագործ Նռանէ» հեքիաթ-վիպակը ՀԱՅԿԱՇԽԱՐՀ կայքի նախաձեռնությամբ արևելահայերենից արևմտահայերենի է փոխադրվել։ Գրքի շնորհանդեսը կայացավ ԳԱԱ լեզվի ինստիտուտում, որի գործուն բաժիններից մեկն էլ զբաղվում է արևմտահայերենի հիմնախնդիրներով։ Հետաքրքիր նախաձեռնություն է բոլո՛ր առումներով, և ինչպես նշեցին բանախոսները, օրինակելի այս նախաձեռնությունը արևմտահայերենի պահպանության համար օգտաշահ իրողություն է։ Արցախում ծնված, երևանաբնակ 12-ամյաստեղծագործող աղջնակի գրած Ֆանտաստիկ ժանրի այս վիպակը բարու և չարի պայքարի մասին է, և ինչպես ընդունված է հեքիաթում՝ բարին հաղթում է չարին։ Հետաքրքիր փաստ է, որ հեքիաթի հերոսուհի Նռանեի հրաշագործությունն իրականանում է մեր ազգային արժեհամակարգի խորհրդանիշերի օգնությամբ, ինչպիսիք են՝ Թուր Կեծակին, Քուռկիկ Ջալալին, Արծվագորգը, Իշխան ձուկը, Ծիրանափողը, ծիրանի կորիզը և այլն։ Շատ հետաքրքիր շնորհանդես էր։

Ջեմմա Բառնասյան

Մուտք գործեք կամ Գրանցվեք մեկնաբանություններ թողնելու համար։

Հայտարարություններ

Առցանց գիտաժողով

Հարգելի՛ գործընկեր,

Հրավիրում ենք մասնակցելու «Լեզու և խոսք» խորագրով առցանց գիտաժողովին:

Գիտաժողովին մասնակցելու համար անհրաժեշտ է ս.թ. հոկտեմբերի 1-ից մինչև դեկտեմբեր 1-ը հայերենագիտության ու լեզվաբանության որևէ ոլորտի վերաբերող գիտական զեկուցման տեքստ կամ հոդված ուղարկել ...
Հայոց լեզվի պատմական ուսումնասիրության արդի խնդիրներ

Հարգարժա՛ն գործընկերներ,

Սիրով հրավիրում ենք մասնակցելու 2019 թ. նոյեմբերի 14-15-ը Երևանում կայանալիք «Հայոց լեզվի պատմական ուսումնասիրության արդի խնդիրներ» հայերենագիտական գիտաժողովին, որը կազմակերպում է Հայաստանի Հանրապետության...
«Լեզու և լեզվաբանություն» գիտական հանդեսն արդեն ընդգրկված է ԲՈՀ-ի հաստատած «Ատենախոսությունների հիմնական արդյունքների և դրույթների հրատարակման համար ընդունելի պարբերական գիտական հրատարակությունների ցուցակում»

ՀՀ ԳԱԱ Հ. Աճառյանի անվան լեզվի ինստիտուտի «Լեզու և լեզվաբանություն» գիտական հանդեսի խմբագրական խորհուրդը սիրով տեղեկացնում է, որ հանդեսն արդեն ընդգրկված է ԲՈՀ-ի հաստատած «Ատենախոսությունների հիմնական արդյունքների և դրույթների հրատարակման համար ընդունելի պարբերական գիտական հրատարակությունների ցուցակում»: Խմբագրական խորհուրդն...