ՀՀ ԳԱԱ Հ.Աճառյանի անվան լեզվի ինստիտուտի տնօրեն Վ.Կատվալյանի ամանորյա ուղերձը

         Հարգելի՛ բարեկամներ

        Շնորհակալ եմ բոլորիդ՝ անցնող տարում ձեր կատարած աշխատանքի համար: Վստահաբար կարող եմ ասել, որ ծանրագույն պայմաններում դուք կարողացաք պատվով կատարել ձեր առաքելությունը՝ արարել անհրաժեշտ որակի և ծավալի նոր գիտելիք:

Հարգելինե՛րս, իբրև գործընկեր՝ մեծ բավականությամբ ու սիրով եմ աշխատում ձեզ հետ, որովհետև յուրաքանչյուրիդ մեջ տեսնում եմ մարդկային լավագույն հատկանիշներ, մասնագիտական անհրաժեշտ որակներ:

       Ցանկանում եմ, որ միշտ առողջ ու հաջողակ լինեք, ունենաք աշխատանքային նորանոր ձեռքբերումներ, ձեր ընտանիքներին մաղթում եմ բարեկեցություն, հաջողություն, ամենայն բարիք:

       Ողջ աշխարհում թող լինի արդար ու արժանապատիվ խաղաղություն:

 

                                                                                                           Վիկտոր Կատվալյան