Գիտական քննարկում կիրառական լեզվաբանության բաժնում

04/06/2019

ԳԱԱ Հ. Աճառյանի անվան լեզվի ինստիտուտի կիրառական լեզվաբանության բաժինը նախատեսում է իրականացնել գիտական քննարկումների շարք` նվիրված համաշխարհային ականավոր հնչյունաբաններին: Շարքի առաջին քննարկումը տեղի ունեցավ ս. թ. հունիսի 4-ին, որը նվիրված էր լեհ և ռուս լեզվաբան, Կազանի, Պետերբուրգի և Լեհաստանի լեզվաբանական դպրոցների հիմնադիր Իվան Ալեքսանդրի Բոդուեն դե Կուրտենեի լեզվաբանական գործունեությանը:

Սկսելով Բոդուեն դե Կուրտենեի կենսագրական տվյալներից` բանախոսը նշեց այն կարևորագույն ավանդը, որ ներդրել է նա լեզվաբանության բնագավառում:

Բանախոսը ներկայացրեց Բոդուեն դե Կուրտենենեի լեզվաբանական գործունեության մի քանի կարևոր կետերը, որոնցից կարելի է նշել հետևյալը` Կազանի լեզվաբանական դպրոցի հիմնադրումը, լեզվի պատմական մոտեցման կողքին կենդանի լեզուների և բարբառների ուսումնասիրությունը, համեմատական (տիպաբանական) վերլուծության կանխատեսումները, լեզվաբանության կապը այլ գիտակարգերի հետ, փորձառական հնչյունաբանության` որպես նոր ուղղության ստեղծումը, հնչույթների և հնչյունափոխությունների տեսությունը և այլն:

Հնչեցին հարցեր և պատասխաններ:

Հայտարարություններ

Առցանց գիտաժողով՝ «Արդի հայերենագիտության խնդիրները»

Հարգելի՛ գործընկեր,

Հրավիրում ենք մասնակցելու «Արդի հայերենագիտության խնդիրներ» խորագրով առցանց գիտաժողովին (նվիրվում է Գ.Ջահուկյանի ծննդյան 100-ամյակին):

Գիտաժողովին մասնակցելու համար անհրաժեշտ է ս.թ. մարտի 23-ից մինչև ապրիլի 30-ը գիտական զեկուցման տեքստ ուղարկել ...

Հայերենագիտական միջազգային գիտաժողով՝ նվիրված ակադեմիկոս Գևորգ Ջահուկյանի ծննդյան 100-ամյակին:

Առաջին շրջաբերական

Հարգարժա՛ն գործընկերներ

Սիրով տեղեկացնում ենք, որ ՀՀ ԳԱԱ Հ.Աճառյանի անվան լեզվի ինստիտուտը 2020 թ. հոկտեմբերի 15-ից 16-ը Երևանում կազմակերպում է Հայերենագիտական միջազգային գիտաժողով...