Գիտական քննարկում բարբառագիտության բաժնում

24/05/2019

Ս. թ. մայիսի 24-ին ԳԱԱ Հ. Աճառյանի անվան լեզվի ինստիտուտի բարբառագիտության բաժնում շարունակվեց «Բառապաշարային հետաքրքիր իրողություններ բարբառային հայերենում» թեմայով քննարկումը:

Բուն քննարկումից առաջ Ա. Վարդանյանը հանդես եկավ Երևանում հրավիրված՝ Թալիշագիտական 3-րդ միջազգային գիտաժողովի, թալիշերենի և նրա բարբառների վերաբերյալ հաղորդմամբ: Կարևորվեց, որ Հայաստանը աշխարհի միակ երկիրն է, որտեղ ավանդաբար հրավիրվում են թալիշագիտական գիտաժողովներ:

Հայերենի բարբառների բառապաշարի հետաքրքիր իրողությունների և փոխառությունների վերաբերյալ արտահայտվեցին ինստիտուտի տնօրեն Վ. Կատվալյանը, գիտաշխատողներ Հ. Մեսրոպյանը, Գ. Գևորգյանը, Ջ. Բառնասյանը Հ. Խաչատրյանը, Ա. Մկրտումյանը:

Այնուհետև Ա. Աբրահամյանը, բաժնում տարբեր լեզուների բարբառներին անդրադառնալու ավանդույթի շրջանակներում, հանդես եկավ ռուսաց լեզվի բարբառների դասակարգման, հնչյունական, քերականական, բառապաշարային առանձնահատկությունների վերաբերյալ ընդարձակ հաղորդմամբ:

Հայտարարություններ

Ուշադրությու՛ն

ՀՀ ԳԱԱ Հ․ Աճառյանի անվան լեզվի ինստիտուտի կիրառական լեզվաբանության բաժինը շարունակում է սեմինարների շարքը՝ նվիրված էլեկտրոնային պաշտոնական հաղորդակցման յուրահատկություններին և ժամանակակից տեխնոլոգիաներից օգտվելու եղանակներին։

Շարքի հերթական սեմինարը տեղի կունենա նոյեմբերի 20-ին ՀՀ ԳԱԱ լեզվի ինստիտուտի կիրառական...
«Շրջիկ ազատ դպրոց» բարեգործական նախագիծ

ՀՀ ԳԱԱ Հ. Աճառյանի անվան լեզվի ինստիտուտի երիտասարդ գիտնականների խորհրդի նախաձեռնությամբ մեկնարկում է բարեգործական նախագիծ՝ արցախյան բռնի տեղահանության արդյունքում տուժած մանկապատանեկան համայնքի համար:

ՀՀ ԳԱԱ Հ. Աճառյանի անվան լեզվի ինստիտուտի երիտասարդ գիտնականների խորհուրդը, գործակցելով ՀՀ ԳԱԱ...
ԳԻՏԱԺՈՂՈՎԻ ՀՐԱՎԵՐ

Հարգելի՛ բարեկամներ,

Սիրով հրավիրում ենք մասնակցելու «Հայոց լեզվի ուսումնասիրության և ուսուցման արդի խնդիրներ» խորագրով միջազգային գիտաժողովին:

✓ Գիտաժողովը տեղի կունենա ս.թ. փետրվարի 21-ին:

✓ Գիտաժողովի անցկացման վայրը` Երևան, Հայաստանի Հանրապետություն

✓ Գիտաժողովի...