Առավոտ /2015թ. հունիսի 3/.«Ինձ համար Լեզվի ինստիտուտի տնօրենը միշտ Գևորգ Ջահուկյանն է»

10/06/2015

Գիտությունների ազգային ակադեմիայում (ԳԱԱ) այսօր մեկնարկեց «Ջահուկյանական ընթերցումներ» խորագրով ամենամյա գիտաժողովը, որը կազմակերպվում է 2006 թվականից ի վեր:

Գիտաժողովը, որը նախորդ տարվանից արդեն միջազգային բնույթ ունի, այս տարի նվիրվում է բանասեր, լեզվաբան, հայագետ, ԳԱԱ ակադեմիկոս Գևորգ Ջահուկյանի 95-ամյա հոբելյանին:

«Յուրաքանչյուր տարի գիտաժողովի ընթացքում 30-40 գիտական զեկուցումներ են հնչում, որոնցում արծարծվում են արդի հայ լեզվաբանությանը հուզող հարցեր, գտնվում կամ առաջարկվում են լուծումներ, կատարվում են քննարկումներ»,- լրագրողների հետ զրույցում ասաց ԳԱԱ Հրաչյա Աճառյանի անվան լեզվի ինստիտուտի տնօրեն Վիկտոր Կատվալյանը:

Հարցին՝ տարիների ընթացքում լեզվի վերաբերյալ քննարկումներն ինչ արդյունք են տվել, որն է եղել գլխավոր ձեռքբերումը, Լեզվի ինստիտուտի տնօրենը պատասխանեց. «Մենք պետք է առաջին հերթին կարողանանք տարբերակել «հայերեն» և «գրական հայերեն» հասկացությունները: Երբ խոսում ենք լեզվի անաղարտության մասին, անշուշտ, պետք է նկատի ունենանք գրական հայերենը, որը կանոնարկված է: Իսկ խոսակցական հայերենում կամ բարբառների նկատմամբ պետք չէ այդքան խիստ լինել, որովհետև դա բնական, կենդանի հաղորդակցություն է: Իհարկե, շատ լավ կլինի, որ ժարգոններից ազատ լինեն լեզվի բոլոր դրսևորումները, բայց երբ գրական լեզու են ներթափանցում անհարկի բարբառայնություններ, ժարգոնային բառեր և այլն, դա արդեն աղավաղում է»:

Վերադառնալով «Ջահուկյանական ընթերցումներին»՝ նշենք, որ գիտաժողովն իր աշխատանքները կշարունակի նաև հունիսի 4-ին և 5-ին Աճառյանի անվան լեզվի ինստիտուտում: Զեկուցումներով հանդես կգան շուրջ չորս տասնյակ գիտնականներ: «Ջահուկյանը միշտ մեզ հետ է ու իր հոգևոր ներկայությամբ ղեկավարում է մեզ,- ողջույնի խոսքում ասաց Վ. Կատվալյանը.- ամեն անգամ, երբ առիթ է լինում խոսել Ջահուկյանի մասին, լեզվաբան Լավրենտի Հովհաննիսյանն ասում է. «Ինձ համար Լեզվի ինստիտուտի տնօրենը միշտ Գևորգ Ջահուկյանն է»: 

Աղբյուրը՝ http://www.aravot.am/2015/06/03/578278/

Հայտարարություններ

  •             ԳԱԱ Հ. Աճառյանի անվան լեզվի ինստիտուտի երիտասարդ գիտաշխատողների խորհուրդը 2018թ. հոկտեմբերի 18-ին կազմակերպում է Երիտասարդ լեզվաբանների հանրապետական 8-րդ գիտաժողովը:
                Մասնակցության հայտը ուղարկել tigran.sirunyan@yahoo.com էլ. փոստին` նշելով անուն ազգանուն, այն...
  •          ՀՀ ԳԱԱ Հ. Աճառյանի անվան լեզվի ինստիտուտը նախաձեռնում է  «Մաշտոց» հայերենագիտական էլեկտրոնային հանդեսի հրապարակումը:
            Հայերենագիտական բազմալեզու հանդեսը նպատակ ունի նպաստելու հայոց լեզվի համակողմանի հետազոտությունների իրականացմանը,  արևելահայերենի և արևմտահայերենի կանոնարկմանը, մեձեցմանն ու զարգացմանը, նորովի...
  • Առաջին շրջաբերական
     
    Հարգարժա՛ն գործընկերներ,
            Սիրով հրավիրում  ենք մասնակցելու  2018 թ.  հունիսի 7-ից  8-ը  Երևանում կա­յա­­նալիք «Ջահուկյանական ընթերցումներ» հայերենագիտական գիտաժողովին, որը կազ­մակերպում է Հայաստանի Հանրապետության գիտությունների ազգային ակադե­մի­ա­...

Ատենախոսություններ

Բելլա Սուրենի Խոջումյան «Ռուսերենի սոմատիկ դարձվածքների լեզվամշակութային և իմաստակառուցվածքային ոլորտների ուսումնասիրությունը հայերենի զուգադրությամբ»

(դոկտորական ատենախոսություն)  Ժ.02.02...

Լիլիթ Ռազմիկի Մովսիսյան «Ժամանակակից ադրբեջանալեզու մամուլի բառապաշարային առանձնահատկությունները հայերենի համեմատությամբ»

(թեկնածուական ատենախոսություն)  Ժ.02.02 «Ընդհանուր և համեմատական...

 
Education - This is a contributing Drupal Theme
Design by WeebPal.