Վազգեն Համբարձումյանը 70 տարեկան է

03/07/2017

        2017թ. լրացավ բանասիրական գիտությունների դոկտոր, պրոֆեսոր Վազգեն Գուրգենի Համբարձումյանի  ծննդյան 70-ամյակը: Հոբելյանը հանդիսավորությամբ նշվեց ՀՀ ԳԱԱ լեզվի ինստիտուտի գիտական խորհրդի նիստում: Հարմար առիթ էր հարազատ ինստիտուտում մեկ անգամ ևս ամփոփելու ու գնահատելու գիտնականի անցած ուղին և  գիտամանկավար­ժական հարուստ գործունեությունը:

        Շնորհավորական խոսքով հանդես եկավ լեզվի ինստիտուտի տնօրեն Վիկտոր Կատվալյանը: «Դուք մեր ինստիտուտի նվիրյալներից եք, մարդ, և անհատականություն, որը երկար տարիներ շարունակ սիրով ու պատասխանատվության զգացումով է կատարում գիտության մշակի դժվարին, բայց նաև գնահատելի գործը»,- նշեց տնօրենը:  

Ակադեմիական հանրությունը Վազգեն Համբարձումյանին ճանաչում է որպես մի գիտնականի, որն իր ողջ գիտակցական կյանքը նվիրել է հայ լեզվաբանության կարևորագույն հիմնախնդիրների ուսումնասիրությանը:  

         Հիանալի մարդու, մեր երկրի իսկական քաղաքացու, ազնիվ և տաղանդավոր գիտնականի, իսկական հայորդու իր անձնական նկարագրով Վազգեն Համբարձումյանը վաստակել է բոլոր աշխատակիցների սերն ու  համակրանքը:

       Սրտանց շնորհավորում ենք հոբելյարին և մաղթում քաջառողջություն, արևշատություն, երկար տարիների գործունեություն, որը, վստահ ենք, կարդյունավորվի նորանոր ձեռքբերումներով:  

Հայտարարություններ

Ատենախոսություններ

Անդրանիկ Վաչագանի Այվազյան «Լռություն» ֆենոմենի լեզվամշակութային դրսևորումները քաղաքական խոսույթում (անգլերեն և հայերեն նյութի հիման վրա)»
(թեկնածուական ատենախոսություն)  Ժ.02.02 «...
Սեյեդե Շոհրե Սաջջադի «Համադանի և Ֆարսի ֆահլավիյաթը»
(թեկնածուական ատենախոսություն)  Ժ.02.02 «Ընդհանուր և համեմատական լեզվաբանություն»
19.02.2018. ժ.15-ին
Գիտական...
 
Education - This is a contributing Drupal Theme
Design by WeebPal.