Լեզվի ինստիտուտի ուղերձը ՀՀ ԳԱԱ նախագահին

01/05/2016

Մեծարգո՛ Ռադիկ Մարտիրոսի

 

ՀՀ ԳԱԱ Հ.Աճառյանի անվան լեզվի ինստիտուտը ջերմորեն շնոր­հավորում է Ձեզ ծննդյան 80-ամյակի առթիվ և ցանկանում քաջ­առողջություն ու նորանոր հաջողություններ՝ ի փառս հայրենի գիտության, համայն հայու­թյան և հայրենիքի:

Արժանավոր հայորդու, բազմաբեղուն գիտնականի, գիտության ու կրթու­թյան ականավոր կազմակերպչի Ձեր գործունեությունը անմնացորդ նվիրումի, բարձր պատասխանատվության ու մարդկայնության փայլուն օրինակ է ներկա և եկող սերունդների համար:

Գիտական հանրությունը և լայն հասարակայնությունը բարձր են գնա­հատում Ձեր բացառիկ դերը ռադիոֆիզիկայի և էլեկտրոնիկայի զարգացման բնագավառում, ինչպես նաև Ձեր հսկայական ջանքն ու ներդրումը՝ Երևանի պետական համալսարանը միջազգային կարգի առաջավոր գիտակրթական հաս­տատություն դարձնելու ուղղությամբ:

Ձեր ղեկավարությամբ Հայաստանի Հանրապետության գիտությունների ազգա­յին ակադեմիան մեծ հաջողությամբ ու պատվով է կատարում հայրենի գիտության առաջատարի, ՀՀ կառավարության գիտական խորհրդատուի իր դերը, գիտության տարբեր ոլորտներում արձանագրած ձեռքբերումներով տարեցտարի ավելի ու ավելի բարձր համարում է ձեռք բերում տարա­ծաշրջանում և միջազգային գիտական շրջանակներում:

Թանկագի՛ն հոբելյար, անուրանալի է Ձեր նվիրումը գիտության հիմնա­խնդիրների լուծմանը, գիտական բարձրորակ կադրերի պատրաստմանը, Հայաստանում հիմնարար գիտության շարունակական զարգացման ազգա­շահ գործին: Առինքնող է գիտնականի, գիտության և կրթության հմուտ կազ­մա­­կերպչի Ձեր մարդկային կերպարը, ոգևորիչ են մարդկանց, աշխատա­կիցների նկատմամբ ձեր հոգատարությունն ու սրտացավությունը, մարդ­կային հարաբերություններին Ձեր հաղորդած ջերմությունը:

Մեզ համար առանձնապես գնահատելի են հայագիտության, նաև հայե­րե­նագիտության զարգացման նկատմամբ Ձեր հոգածու վերաբերմունքը, Հ.Աճառյանի անվան լեզվի ինստիտուտի գործունեությունը ավելի արդյու­նա­վետ դարձնելուն միտված Ձեր ջանքերն ու աջակցությունը:

Սիրելի՛ Ռադիկ Մարտիրոսի, վստահ ենք, որ Ձեր ղեկավարությամբ Հայաս­տանի գիտությունների ազգային ակադեմիան կունենա նորանոր ձեռք­բերումներ, Ձեզ մաղթում ենք անսպառ ուժ և եռանդ, արևշատություն:

 

Հայտարարություններ

  •          ՀՀ ԳԱԱ Հ․ Աճառյանի անվան լեզվի ինստիտուտի կիրառական լեզվաբանության բաժինը շարունակում է սեմինարների շարքը՝ նվիրված էլեկտրոնային պաշտոնական հաղորդակցման յուրահատկություններին և ժամանակակից տեխնոլոգիաներից օգտվելու եղանակներին։

             Շարքի հերթական սեմինարը տեղի կունենա նոյեմբերի 20-ին ՀՀ ԳԱԱ լեզվի ինստիտուտի կիրառական...

  •               ՀՀ ԳԱԱ Հ. Աճառյանի անվան լեզվի ինստիտուտի երիտասարդ գիտնականների խորհրդի նախաձեռնությամբ մեկնարկում է բարեգործական նախագիծ՝ արցախյան բռնի տեղահանության արդյունքում տուժած  մանկապատանեկան համայնքի համար:
                ՀՀ ԳԱԱ Հ. Աճառյանի անվան լեզվի ինստիտուտի երիտասարդ գիտնականների խորհուրդը, գործակցելով ՀՀ ԳԱԱ...
  •  
    Հարգելի՛ բարեկամներ,
    Սիրով հրավիրում ենք մասնակցելու «Հայոց լեզվի ուսումնասիրության և ուսուցման արդի խնդիրներ» խորագրով միջազգային գիտաժողովին:
     
    ✓  Գիտաժողովը տեղի կունենա ս.թ. փետրվարի 21-ին:
    ✓  Գիտաժողովի անցկացման վայրը` Երևան, Հայաստանի Հանրապետություն
    ✓  Գիտաժողովի...

Ատենախոսություններ

Վալտեր  Տիգրանի Բերբերյան  «Հայ ոճագիտական մտքի զարգացման հիմնախնդիրները (1950-2020-ական թթ.)»

 (թեկնածուական ատենախոսություն)  Ժ.02.01 «Հայոց   լեզու»

26.01.2024, ժ.15-ին

...

Շուշանիկ Իշխանի Զաքարյան  «Բայի սեռի ձևաբանական, շարահյուսական և իմաստային

 յուրահատկությունները ժամանակակից թուրքերենում (հայերենի զուգադրությամբ)»

 (թեկնածուական ատենախոսություն) ...

 
Education - This is a contributing Drupal Theme
Design by WeebPal.