«Հերացի» ավագ դպրոցի սաները ՀՀ ԳԱԱ Հ.Աճառյանի անվան լեզվի ինստիտուտում

04/03/2016

Մարտի 4-ին ԵՊԲՀ «Հերացի» ավագ դպրոցի 10-րդ և 11-րդ դասարանների մի խումբ սաներ հայոց լեզվի և գրականության ուսուցիչների հետ հյուրընկալվեցին ՀՀ ԳԱԱ Հրաչյա Աճառյանի անվան լեզվի ինստիտուտում` ներկայացնելու իրենց ինքնուրույն հետազո­տական աշխատանքները:

Լեզվի ինստիտուտի տնօրեն Վ. Կատվալյանը, ողջունելով նրանց մուտքը ինստիտուտ, իր ելույթում նշեց, որ հետազոտական աշխատանքը ամենահաճելի աշխատանքն է, և ամեն հետազոտող պետք է քաջ գիտակցի, որ իր գործով ծառայություն է  մատուցում իր հայրենիքին ու ժողովրդին: Պարոն Կատվալյանն իր խոսքում մեկ անգամ ևս անդրադարձավ հայերենն անաղարտ պահելու, մշակելու և զարգացնելու կարևորությանը:  Նաև նշեց, որ այս առումով Լեզվի ինստիտուտը համագործակցում է ՀՀ սփյուռքի նախարարության հետ, որը, ի դեմս նախարար Հրանուշ Հակոբյանի,  մեծապես շահագրգիռ է հայերենի խնդիրներով թե´                       հայր­ենիքում  և  թե´ Սփյուռքում:

Այնուհետև խոսքը տրամադրվեց  ՀՀ սփյուռքի նախարարության ներկայա­ցուցչին` գիտակրթական բաժնի պետ տիկին Սիրվարդ Համբարյանին: Նա աշակերտներին փոխանցեց նախարարի ողջույնի խոսքը, որում մասնավորապես կոչ էր արվում հայ դպրոցականներին` լինել հայոց լեզվի պահապանը և տարածողը:

Աշակերտները ներկայացրին իրենց ուսումնասիրությունները, որոնք նվիրված էին հայերենի,  հայ գրականության և հայ փիլիսոփայական մտքի ամենատարբեր հարցերի:

            Բոլոր զեկուցողները Լեզվի ինստիտուտի գիտաշխատողների կողմից արժանացան դրվատանքի և խրախուսանքի:

            Իրենց դիտարկումներն արեցին հայտնի լեզվաբաններ Լ. Հովսեփյանը, Ռ. Թոխմախյանը, արդի հայերենի բաժնի վարիչ Ն. Սարգսյանը, հայոց լեզվի պատմության բաժնի վարիչ Գ. Մխիթարյանը, ԵՊԲՀ հայոց լեզվի ամբիոնի վարիչ  Հ. Սուքիասյանը:

            Հանդիպման վերջում Սփյուռքի նախարարության և Լեզվի ինստիտուտի կողմից  գրքեր նվիրվեցին զեկուցումով հանդես եկած աշակերտներին, հայոց լեզվի և գրա­կանության ուսուցիչներին:

Հայտարարություններ

  •          ՀՀ ԳԱԱ Հ․ Աճառյանի անվան լեզվի ինստիտուտի կիրառական լեզվաբանության բաժինը շարունակում է սեմինարների շարքը՝ նվիրված էլեկտրոնային պաշտոնական հաղորդակցման յուրահատկություններին և ժամանակակից տեխնոլոգիաներից օգտվելու եղանակներին։

             Շարքի հերթական սեմինարը տեղի կունենա նոյեմբերի 20-ին ՀՀ ԳԱԱ լեզվի ինստիտուտի կիրառական...

  •               ՀՀ ԳԱԱ Հ. Աճառյանի անվան լեզվի ինստիտուտի երիտասարդ գիտնականների խորհրդի նախաձեռնությամբ մեկնարկում է բարեգործական նախագիծ՝ արցախյան բռնի տեղահանության արդյունքում տուժած  մանկապատանեկան համայնքի համար:
                ՀՀ ԳԱԱ Հ. Աճառյանի անվան լեզվի ինստիտուտի երիտասարդ գիտնականների խորհուրդը, գործակցելով ՀՀ ԳԱԱ...
  •  
    Հարգելի՛ բարեկամներ,
    Սիրով հրավիրում ենք մասնակցելու «Հայոց լեզվի ուսումնասիրության և ուսուցման արդի խնդիրներ» խորագրով միջազգային գիտաժողովին:
     
    ✓  Գիտաժողովը տեղի կունենա ս.թ. փետրվարի 21-ին:
    ✓  Գիտաժողովի անցկացման վայրը` Երևան, Հայաստանի Հանրապետություն
    ✓  Գիտաժողովի...

Ատենախոսություններ

Անուշ Անդրանիկի Խաչատրյան  «Էլեկտրոնային մամուլի լեզուն (բառային կազմ, քերականական համակարգ)»

 (թեկնածուական ատենախոսություն)  Ժ.02.01 «Հայոց   լեզու»

30.04.2024, ժ.15-ին

...

Վալտեր  Տիգրանի Բերբերյան  «Հայ ոճագիտական մտքի զարգացման հիմնախնդիրները (1950-2020-ական թթ.)»

 (թեկնածուական ատենախոսություն)  Ժ.02.01 «Հայոց   լեզու»

26.01.2024, ժ.15-ին

...

 
Education - This is a contributing Drupal Theme
Design by WeebPal.