Հանդիպում երիտասարդ գիտաշխատողների հետ

27/03/2014
          Մայիսի 27-ին ԳԱԱ Հրաչյա Աճառյանի անվան լեզվի ինստիտուտում տեղի ունեցավ հանդիպում-քննարկում ինստիտուտի շուրջ քսան երիտասարդ գիտաշխատողների մասնակցությամբ: Հանդիպման նպատակն էր երիտասարդ գիտաշխատողներին հուզող հարցերի արծարծումը, դրանց լուծման ուղիների մշակումը:
Երիտասարդ լեզվաբանները խոսեցին իրենց հետազոտական աշխատանքների, սպասվելիք գիտաժողովներում իրենց զեկուցումների նախապատրաստման ընթացքի մասին: Անդրադարձ եղավ նաև այլ խնդիրների: Մասնավորապես՝ երիտասարդ գիտաշխատողներ Տիգրան Սիրունյանը և Գարիկ Մկրտչյանը կարևորեցին այն հարցը, որ ինստիտուտի բոլոր աշխատասենյակներում պետք է հասանելի լինի համացանցը, առաջարկվեց նաև ստեղծել հնարավորություն, որ ինստիտուտի գիտաշխատողների համար հասանելի լինեն տեղական ու միջազգային թվայնացված գրադարանային ֆոնդերն ու աղբյուրները: Տնօրենի հավաստմամբ առաջիկայում այդ խնդիրներին լուծում կտրվի:  
Ինստիտուտի տնօրեն Վ. Կատվալյանը նշեց, որ օրախնդիր է դարձել արդի լեզվաբանական ուղղությունների ներառումը ինստիտուտի գիտական աշխատանքներում, և երիտասարդներին առաջարկեց քննարկել և ներկայացնել իրենց նկատառումները այդ հարցի վերաբերյալ: «Մեր ուսումնասիրությունները չպետք է ծավալվեն միայն լեզվաբանական ավանդական ուղղություններով, հարկավոր է լեզվաբանական նոր ուղղություններ զարգացնել, կիրառել հետազոտության նոր մեթոդներ»,-ասաց Վ.Կատվալյանը:
Ինստիտուտի տնօրենը երիտասարդ գիտնականներին կոչ արեց գիտական աշխատանքում հանդես բերել նվիրում, մասնագիտական լավագույն որակներ և պատասխանատվության բարձր զգացում:
 
                                                                   Կրտսեր գիտաշխատող Գարիկ Մկրտչյան
 

Հայտարարություններ

  •          ՀՀ ԳԱԱ Հ․ Աճառյանի անվան լեզվի ինստիտուտի կիրառական լեզվաբանության բաժինը շարունակում է սեմինարների շարքը՝ նվիրված էլեկտրոնային պաշտոնական հաղորդակցման յուրահատկություններին և ժամանակակից տեխնոլոգիաներից օգտվելու եղանակներին։

             Շարքի հերթական սեմինարը տեղի կունենա նոյեմբերի 20-ին ՀՀ ԳԱԱ լեզվի ինստիտուտի կիրառական...

  •               ՀՀ ԳԱԱ Հ. Աճառյանի անվան լեզվի ինստիտուտի երիտասարդ գիտնականների խորհրդի նախաձեռնությամբ մեկնարկում է բարեգործական նախագիծ՝ արցախյան բռնի տեղահանության արդյունքում տուժած  մանկապատանեկան համայնքի համար:
                ՀՀ ԳԱԱ Հ. Աճառյանի անվան լեզվի ինստիտուտի երիտասարդ գիտնականների խորհուրդը, գործակցելով ՀՀ ԳԱԱ...
  •  
    Հարգելի՛ բարեկամներ,
    Սիրով հրավիրում ենք մասնակցելու «Հայոց լեզվի ուսումնասիրության և ուսուցման արդի խնդիրներ» խորագրով միջազգային գիտաժողովին:
     
    ✓  Գիտաժողովը տեղի կունենա ս.թ. փետրվարի 21-ին:
    ✓  Գիտաժողովի անցկացման վայրը` Երևան, Հայաստանի Հանրապետություն
    ✓  Գիտաժողովի...

Ատենախոսություններ

Անուշ Անդրանիկի Խաչատրյան  «Էլեկտրոնային մամուլի լեզուն (բառային կազմ, քերականական համակարգ)»

 (թեկնածուական ատենախոսություն)  Ժ.02.01 «Հայոց   լեզու»

30.04.2024, ժ.15-ին

...

Վալտեր  Տիգրանի Բերբերյան  «Հայ ոճագիտական մտքի զարգացման հիմնախնդիրները (1950-2020-ական թթ.)»

 (թեկնածուական ատենախոսություն)  Ժ.02.01 «Հայոց   լեզու»

26.01.2024, ժ.15-ին

...

 
Education - This is a contributing Drupal Theme
Design by WeebPal.