Գիտական քննարկում հայոց լեզվի պատմության բաժնում

            2019 թ. ապրիլի 26-ին հայոց լեզվի պատմության բաժնում տեղի ունեցավ Գրիգոր Տաթևացու «Գիրք քարոզութեան. Ձմեռան հատոր»-ում գործածվող ծի­սա­կարգային մի քանի անվանումներին  վերաբերող  քննարկում:

            Բանախոսը մասնավորապես ներկայացրեց «պահք», «սրբապահք», «ծո­մապահք» բառերի իմաստային տարբերությունները: «Պահք»-ը միայն պտուղ­նե­րից և բույսերից բաղկացած կերակուրն է, «սրբապահք»-ը ենթադրում է ուտելիքի  որոշակի ընտրություն՝ բացառելով մարմինը սնող  ուտելիքները, ինչպիսին ձեթը և գինին են. «ծոմապահք»-ը ամենևին ոչինչ չուտելն է: Բանախոսը նշեց, որ Գրիգոր Տաթևացու հա­վաստ­մամբ՝ «Հիւանդութիւն մարդոյն յուտելոյն է ...ապա ուրեմն ա­ռող­ջութիւն մարդոյն ի պահոց լինի» (Գրիգոր Տաթևացի, Գիրք քարոզութեան, Ձմե­ռան հատոր, Կ.Պօլիս, 1740թ., էջ 130)

Այնուհետև բանախոսը ներկայացրեց Ավագ շաբաթվան առնչվող «գերեզ­մանօրհնէք, տնօրհնէք»  ծիսանունների բացատրությունը: Այդ անվանումներն ա­ռա­ջին անգամ վկայում է Գրիգոր Տաթևացին: Նշվեց, որ «գերեզմանօրհնէք»-ը, ըստ Տաթևացու, կատարվել է միայն Ավագ շաբաթվա ուրբաթ օրը, բառիմաստի ընդ­լայնմամբ հետագայում  դարձել է ընդհանրապես գերեզմանի օրհնության կարգի անվանում:

      Բանախոսը նաև պատասխանեց  բաժնի  գիտաշխատակիցների հարցերին: