Գիտական քննարկում հայոց լեզվի պատմության բաժնում

17/06/2019

Հունիսի 17-ին հայոց լեզվի պատմության բաժնում տեղի ունեցավ հերթական քննարկումը, որ վերաբերում էր ունիթորական գրականության նորաբանություններին:

Բանախոսը նշեց, որ քննված երկերում (Ալբերտուս Մեծ, «Համառօտ հաւաքումն աստուածաբանական ճշմարտութեան», Թովմա Աքվինացի, «Համառօտ հաւաքումն յաղագս հրեշտակաց», «Գիրք է խորհրդոց», «Յաղագս տնօրէնութեանն Քրիստոսի», Պետրոս Արագոնացի, «Համառօտ հաւաքումն ի վերայ Ներածութեանցն Պորփիւրի» ևն) նոր բառեր գլխավորապես ստեղծվել են նախածանցների կցումով, և դրանց գերակշիռ մասը նույնությամբ արտացոլում է լատիներեն բնագրային օրինակների կառուցվածքը, բայց միաժամանակ որոշ բառեր էլ, հիմնականում ոճական նկատառումով, կազմվել են նախօրինակ ձևերից անկախ:

Ըստ նախածանցների կենսունակության՝ ներկայացվեց նախածանցավոր բառերի մի շարք, որ վկայված չէ գրաբարի բառարաններում, զուգահեռ օրինակներ բերվեցին լատիներեն բնագրերից, ցույց տրվեցին ինչպես բնագրի կաղապարների հետևողությամբ ստեղծված կառուցվածքային պատճենումների, այնպես էլ ազատ թարգմանության օրինակներ:

Հայտարարություններ

Ուշադրությու՛ն

ՀՀ ԳԱԱ Հ․ Աճառյանի անվան լեզվի ինստիտուտի կիրառական լեզվաբանության բաժինը շարունակում է սեմինարների շարքը՝ նվիրված էլեկտրոնային պաշտոնական հաղորդակցման յուրահատկություններին և ժամանակակից տեխնոլոգիաներից օգտվելու եղանակներին։

Շարքի հերթական սեմինարը տեղի կունենա նոյեմբերի 20-ին ՀՀ ԳԱԱ լեզվի ինստիտուտի կիրառական...
«Շրջիկ ազատ դպրոց» բարեգործական նախագիծ

ՀՀ ԳԱԱ Հ. Աճառյանի անվան լեզվի ինստիտուտի երիտասարդ գիտնականների խորհրդի նախաձեռնությամբ մեկնարկում է բարեգործական նախագիծ՝ արցախյան բռնի տեղահանության արդյունքում տուժած մանկապատանեկան համայնքի համար:

ՀՀ ԳԱԱ Հ. Աճառյանի անվան լեզվի ինստիտուտի երիտասարդ գիտնականների խորհուրդը, գործակցելով ՀՀ ԳԱԱ...
ԳԻՏԱԺՈՂՈՎԻ ՀՐԱՎԵՐ

Հարգելի՛ բարեկամներ,

Սիրով հրավիրում ենք մասնակցելու «Հայոց լեզվի ուսումնասիրության և ուսուցման արդի խնդիրներ» խորագրով միջազգային գիտաժողովին:

✓ Գիտաժողովը տեղի կունենա ս.թ. փետրվարի 21-ին:

✓ Գիտաժողովի անցկացման վայրը` Երևան, Հայաստանի Հանրապետություն

✓ Գիտաժողովի...