Գիտական քննարկում բարբառագիտության բաժնում

31/05/2019
           Ս. թ. մայիսի 31-ին  ԳԱԱ  Հ. Աճառյանի անվան լեզվի ինստիտուտի բարբառագիտության բաժնում տեղի ունեցավ Պոլսի բարբառին նվիրված գիտական քննարկում:
            Բաժնի հյուրն էր ստամբուլահայ ուսուցիչ և մշակութային գործիչ Հովհաննես Մկրտիչ (Ժան) Էրզուրումօղլուն, որը Երևանում էր գտնվում Մատենադարանում կազմակերպված՝ Սեն Արևշատյանի 90-ամյակին նվիրված գիտաժողովի առիթով:
            Հյուրը ներկայացրեց Պոլսի բարբառի ներկա վիճակը, ընթացող լեզվական գործընթացները և Թուրքիայում դեռևս պահպանվող հայերենի բարբառները: Պարզվեց, որ թեև Ստամբուլում գործում են շուրջ երկու տասնյակ հայկական դպրոցներ, այնուամենայնիվ շատ ընտանիքներում խոսում են թուրքերեն, և հայերենը հետզհետե նահանջ է ապրում: Պոլսի հայախոս շրջաններում գերիշխում է արևմտահայերենի տեղական ժողովրդախոսակցական տարբերակը՝ որոշակի հնչյունական, քերականական առանձնահատկություններով: Հայերենի բարբառները այս կամ այն չափով հիմնականում պահպանվել են Համշենում և Մուսա լեռան Վագըֆ գյուղում:
            Արտահայտվեցին նաև ինստիտուտի տնօրեն Վ. Կատվալյանը, բաժնի գիտաշխատողներ Ջ. Բառնասյանը, Հ. Մեսրոպյանը, Հ. Խաչատրյանը:

Հայտարարություններ

  •          Առկա իրավիճակից ելնելով՝  ս․թ․ հոկտեմբերի 15-16-ին նախատեսված՝  ակա­դեմի­կոս  Գևորգ Ջահու­կյա­նի ծննդյան 100-ամյակին նվիր­ված Հայերենա­գիտական միջազգային գիտա­ժո­ղովը  հետաձգվում է։  Գիտաժողովի անցկացման ժամկետի մասին լրացուցիչ կտեղեկացվի։

  •   Հարգելի՛ գործընկեր,
             Հրավիրում ենք մասնակցելու «Լեզու և խոսք » խորագրով առցանց գիտաժողովին։
    Գիտաժողովին մասնակցելու համար անհրաժեշտ է ս.թ. սեպտեմբերի  20-ից  մինչև հոկտեմբերի  30-ը գի­տա­կան զեկուցման տեքստ ուղարկել viktorkatvalyan@mail.ru ,  ...

Ատենախոսություններ

Թամարա Նելսիկի Պողոսյան «17-րդ դարի աշխարհաբար տպագիր գրքերի լեզվական  քննություն»

 (թեկնածուական ատենախոսություն)  Ժ.02.01 «Հայոց   լեզու»

30.03.2020, ժ.15-ին

Գիտական ...

Զարուհի Հրայրի Խաչատրյան «Ձիանունները պարսկերենում և հայերենում․ համեմատական քննություն»

 (թեկնածուական ատենախոսություն)  Ժ.02.02 «Ընդհանուր և համեմատական  լեզվաբանություն»

10.02....

 
Education - This is a contributing Drupal Theme
Design by WeebPal.