Գիտական քննարկում բարբառագիտության բաժնում

10/05/2019

          Բարբառագիտության բաժնի նախորդ քննարկման ժամանակ որոշվել էր պարբերաբար անդրադառնալ հայերենի տարբեր բարբառներում առկա բառանվանողական և բառիմաստային ինքնատիպ ձևերին և իրողություններին։ Հատկանշական է, որ այս քննարկմանը (10.05.19) մասնակցում էր ԵՊՀ-ի իրանցի ասպիրանտ Մարիամ Թորաբին։ Նա հետաքրքիր վիճակագրական տվյալներ հայտնեց Իրանի Սպահան քաղաքում ապրող ջուղայահայության արդի լեզվավիճակի մասին՝ լրացնելով Նոր Ջուղայի բարբառին նվիրված աճառյանական հայտնի ուսումնասիրությունից քաղված բարբառային ինքնատիպ ձևերի մասին Ջեմմա Բառնասյանի ներկայացրած տեղեկությունները։ Բաժնի աշխատակիցները կարևոր համարեցին և ողջունեցին Սպահան քաղաքում մոտ ապագայում բարբառագիտական գիտարշավ իրականացնելու գաղափարը։ Այնուհետև Արտակ Վարդանյանը խոսեց Ճահուկ-Վայքի միջբարբառի խոսվածքներում առկա նմանատիպ ինքնատիպ իրողությունների մասին։ Յուրօրինակ բառաձևերով հարուստ է նաև առայսօր գործառող Համշենի բարբառը, որին անդրադարձավ Հասմիկ Խաչատրյանը։ Վիկտոր Կատվալյանի ամփոփիչ խոսքը նույնպես հետաքրքիր բառանվանումներին և բառիմաստային ինքնատիպ իրողություններին էր նվիրված։Այսպիսի քննարկումների արդյունքում է ծնվում հայ բարբառների հետազոտական աշխատանքներն անվերջ կատարելագործելու և ցանկալի արդյունքների հասնելու տեսլականը։

 

Հայտարարություններ

Ատենախոսություններ

Էլահեհ Թաղվաեի «Իսֆահանի տեղանունները»

 (թեկնածուական ատենախոսություն)  Ժ.02.02 «Ընդհանուր և համեմատական  լեզվաբանություն»

03.12.2018, ժ.15-ին

Գիտական  ղեկավար...

Հայկ Վալերիի Հարությունյան «Հարֆի հայեցակարգը արաբական լեզվաբանության մեջ. տիպաբանական և համեմատական ուսումնասիրություն»

(թեկնածուական ատենախոսություն)  Ժ.02.02 «Ընդհանուր և համեմատական  ...

 
Education - This is a contributing Drupal Theme
Design by WeebPal.