Գիտական քննարկում բարբառագիտության բաժնում

06/05/2019

Ս. թ. մայիսի 6-ին ԳԱԱ Հ. Աճառյանի անվան լեզվի ինստիտուտի բարբառագիտության բաժնում տեղի ունեցավ «Բառապաշարային հետաքրքիր իրողություններ բարբառային հայերենում» թեմայով քննարկում:

Ինստիտուտի տնօրեն Վ. Կատվալյանը, ևս մեկ անգամ կարևորելով հայերենի բարբառների կորուսյալ շերտերի ուսումնասիրումը, գիտաշխատողներին ներկայացրեց գրեթե չուսումնասիրված Սեբաստիայի բարբառում առկա բառապաշարային իրողությունները՝ բառապաշարի հետաքրքիր շերտերը, բառաբարդման առանձնահատկությունները, ինչպես նաև այն բառերը, որոնց կիրառումը արդի գրական հայերենի բառապաշարում խրախուսելի է:

Քննարկումից հետո, տարբեր լեզուների բարբառներին ծանոթանալու ավանդույթի համաձայն, բարբառագիտության բաժնի գիտաշխատող Ա. Վարդանյանը հանդես եկավ արդի գրական պարսկերենի և պարսից լեզվի բարբառների վերաբերյալ համառոտ հաղորդմամբ:

Արտահայտվեցին նաև բաժնի գիտաշխատողներ Ջ. Բառնասյանը, Հ. Մեսրոպյանը, Ա. Աբրահամյանը:

Հայտարարություններ

Ուշադրությու՛ն

ՀՀ ԳԱԱ Հ․ Աճառյանի անվան լեզվի ինստիտուտի կիրառական լեզվաբանության բաժինը շարունակում է սեմինարների շարքը՝ նվիրված էլեկտրոնային պաշտոնական հաղորդակցման յուրահատկություններին և ժամանակակից տեխնոլոգիաներից օգտվելու եղանակներին։

Շարքի հերթական սեմինարը տեղի կունենա նոյեմբերի 20-ին ՀՀ ԳԱԱ լեզվի ինստիտուտի կիրառական...
«Շրջիկ ազատ դպրոց» բարեգործական նախագիծ

ՀՀ ԳԱԱ Հ. Աճառյանի անվան լեզվի ինստիտուտի երիտասարդ գիտնականների խորհրդի նախաձեռնությամբ մեկնարկում է բարեգործական նախագիծ՝ արցախյան բռնի տեղահանության արդյունքում տուժած մանկապատանեկան համայնքի համար:

ՀՀ ԳԱԱ Հ. Աճառյանի անվան լեզվի ինստիտուտի երիտասարդ գիտնականների խորհուրդը, գործակցելով ՀՀ ԳԱԱ...
ԳԻՏԱԺՈՂՈՎԻ ՀՐԱՎԵՐ

Հարգելի՛ բարեկամներ,

Սիրով հրավիրում ենք մասնակցելու «Հայոց լեզվի ուսումնասիրության և ուսուցման արդի խնդիրներ» խորագրով միջազգային գիտաժողովին:

✓ Գիտաժողովը տեղի կունենա ս.թ. փետրվարի 21-ին:

✓ Գիտաժողովի անցկացման վայրը` Երևան, Հայաստանի Հանրապետություն

✓ Գիտաժողովի...