Գիտական քննարկում բարբառագիտության բաժնում

            ՀՀ ԳԱԱ Հ. Աճառյանի անվան լեզվի ինստիտուտի բարբառագիտության բաժնի հերթական գիտական քննարկման թեման նվիրված էր Անահիտ Հանեյանի բարբառագիտական ժառանգությանը:

            Ինստիտուտի տնօրեն Վ. Կատվալյանը ներածական խոսքում արժևորեց Ա. Հանեյանի գիտական վաստակը և ներդրումը հայ բարբառագիտության զարգացման գործում՝ այդ առումով կարևորելով հատկապես «Տիգրանակերտի բարբառը» ծավալուն մենագրությունը և հայերենի բարբառների շնչեղ ձայնեղներին նվիրված հիմնարար աշխատությունը, նաև ակտիվ մասնակցությունը «Հայերենի բարբառագի­­տական ատլասի» նյութերի հավաքման աշխատանքներին:

Այնուհետև Ա. Հանեյանի մյուս աշխատանքների («Եդեսիայի բարբառը», «Գրաբարի բառասկզբի «յ» ձայնորդի արտացոլումը արդի հայերենի բարբառներում» ուսումնասիրություններ, բնության երևույթներն արտահայտող բառապաշարի շերտերին նվիրված հոդվածներ) վերաբերյալ կարծիքներ հայտնեցին բաժնի աշխատակիցներ Ջ. Բառնասյանը,Գ. Գևորգյանը, Հ. Խաչատրյանը, Ա. Աբրահամյանը, Հ. Մեսրոպյանը,Ա. Վարդանյանը:

            Ներկաներըշեշտեցին նաև Ա. Հանեյանի՝ թողած լուսավոր հետքը Հ.  Աճառյանի անվան լեզվի ինստիտուտում, որտեղ նա  աշխատել է երկար տարիներ, հայերենագիտությանը և հայրենի մշակույթին նրա նվիրվածությունը, մասնավորապես՝ ինստիտուտում «Ակունք» ազգագրական համույթի ստեղծման տարիներին դրսևորած եռանդն ու ջանքերը: