ԳԱԱ լեզվի ինստիտուտի աշխատակիցների հանդիպումը Ղազախստանի Հանրապետության դեսպանի հետ

29/05/2017

          Սույն թվականի մայիսի 25-ին ԳԱԱ Հ. Աճառյանի անվան լեզվի ինստիտուտը հյուրընկալել էր Հայաստանի Հանրապետությունում Ղազախստանի Հանրապետության լիազոր և արտակարգ դեսպան Թիմուր Բիբիտալի Ուրազաևին: Հանդիպմանը ներկա էին ոչ միայն լեզվի ինստիտուտի աշխատակիցները, այլև ԳԱԱ տնտեսագիտության և գրականության ինստիտուտի տնօրեններն ու աշխատակիցները:

        Բացման խոսքով հանդես եկավ ԳԱԱ լեզվի ինստիտուտի տնօրեն Վիկտոր Կատվալյանը՝ կարևորելով տարբեր ժողովուրդների միջև բարեկամական կապերը: Նա նշեց. «Մենք համոզված ենք, որ այսօրվա մեր հանդիպումը շատ կարևոր է. այն Հայաստանի գիտական հաստատությունների և Ղազախստանի դեսպանատան միջև բարեկամական հարաբերությունների ու գիտական կապերի ստեղծման հիմք կարող է դառնալ»: Տնօրենը հավելեց, որ ինստիտուտը իր գիտաժողովներին և միջոցառումներին սիրով կհյուրընկալի թե՛ դեսպանատան աշխատակիցներին և թե՛ ղազախ հետազոտողներին ու գործընկերներին:

         Զեկուցումով հանդես եկավ Հայաստանի Հանրապետությունում Ղազախստանի Հանրապետության լիազոր և արտակարգ դեսպան Թիմուր Բիբիտալի Ուրազաևը: Ողջունելով ներկաներին և նկատի ունենալով, որ հանդիպմանը ներկա են երեք տարբեր բնագավառների (լեզվաբանություն, տնտեսագիտություն և գրականություն) ներկայացուցիչներ՝ դեսպան Ուրազաևն առաջարկեց օրակարգը բնորոշել մեկ բառով՝ արդիականացում (մոդեռնիզացիա)՝ տնտեսության արդիականացում, լեզվի և գրի արդիականացում, մշակույթի և հասարակական գիտակցության արդիականացում: Դեսպանը մանրամասն ներկայացրեց Ղազախստանի ձեռքբերումները այս ոլորտներում, ինչպես նաև անդրադարձավ ՀՀ-ի և Ղազախստանի մշակութային կապերին, երկու պետությունների դիվանագիտական կապերի արդի վիճակին: Հետաքրքիր էր հատկապես Ղազախստանի լեզվաքաղաքականությունը, ինչպես նաև լատինական գրին աստիճանական անցնելու ծրագիրը: Դեսպանը վստահեցրեց, որ Ղազախստանի դեսպանատունը կաջակցի ՀՀ ԳԱԱ ինստիտուտների և Ղազախստանի լեզվի, գրականության և տնտեսագիտական հետազոտությունների ինստիտուտների միջև գործակցությանը, հավելեց, որ դա կնպաստի երկու պետությունների գիտական և մշակութային կապերի հետագա ամրապնդմանը:

Հայտարարություններ

  •          ՀՀ ԳԱԱ Հ․ Աճառյանի անվան լեզվի ինստիտուտի կիրառական լեզվաբանության բաժինը շարունակում է սեմինարների շարքը՝ նվիրված էլեկտրոնային պաշտոնական հաղորդակցման յուրահատկություններին և ժամանակակից տեխնոլոգիաներից օգտվելու եղանակներին։

             Շարքի հերթական սեմինարը տեղի կունենա նոյեմբերի 20-ին ՀՀ ԳԱԱ լեզվի ինստիտուտի կիրառական...

  •               ՀՀ ԳԱԱ Հ. Աճառյանի անվան լեզվի ինստիտուտի երիտասարդ գիտնականների խորհրդի նախաձեռնությամբ մեկնարկում է բարեգործական նախագիծ՝ արցախյան բռնի տեղահանության արդյունքում տուժած  մանկապատանեկան համայնքի համար:
                ՀՀ ԳԱԱ Հ. Աճառյանի անվան լեզվի ինստիտուտի երիտասարդ գիտնականների խորհուրդը, գործակցելով ՀՀ ԳԱԱ...
  •  
    Հարգելի՛ բարեկամներ,
    Սիրով հրավիրում ենք մասնակցելու «Հայոց լեզվի ուսումնասիրության և ուսուցման արդի խնդիրներ» խորագրով միջազգային գիտաժողովին:
     
    ✓  Գիտաժողովը տեղի կունենա ս.թ. փետրվարի 21-ին:
    ✓  Գիտաժողովի անցկացման վայրը` Երևան, Հայաստանի Հանրապետություն
    ✓  Գիտաժողովի...

Ատենախոսություններ

Վալտեր  Տիգրանի Բերբերյան  «Հայ ոճագիտական մտքի զարգացման հիմնախնդիրները (1950-2020-ական թթ.)»

 (թեկնածուական ատենախոսություն)  Ժ.02.01 «Հայոց   լեզու»

26.01.2024, ժ.15-ին

...

Շուշանիկ Իշխանի Զաքարյան  «Բայի սեռի ձևաբանական, շարահյուսական և իմաստային

 յուրահատկությունները ժամանակակից թուրքերենում (հայերենի զուգադրությամբ)»

 (թեկնածուական ատենախոսություն) ...

 
Education - This is a contributing Drupal Theme
Design by WeebPal.