Եվ դարձյալ հեռուստատեսության լեզվի մասին

22/06/2018

Հունիսի 22-ին ՀՀ ԳԱԱ լեզվի ինստիտուտում քննարկում ծավալվեց հեռուստատեսության լեզվի վերաբերյալ: Ինստիտուտի աշխատակիցների հետ քննարկմանը մասնակցեց նաև դերասանուհի, բեմադրիչ, սցենարիստ, ՀՀ վաստակավոր արտիստուհի, պրոֆեսոր Լալա Մնացականյանը:

Լեզվի ինստիտուտի տնօրեն Վ.Կատվալյանը ընդգծեց հեռուստաեթերում հայերենի անսխալ և գեղեցիկ գործածության կարևորությունը, առաջ քաշեց գրական լեզվին առնչվող մի շարք խնդիրներ՝ սկսած ուղղախոսությունից մինչև շարահյուսական կառույցներ: Ներկաները նշեցին, որ բեմից և մանավանդ հեռուստաեթերից ակնկալում են գրագետ և գեղեցիկ խոսք, որը մեծապես պետք է նպաստի ընդհանուր լեզվամշակույթի բարելավմանը: Լեզվաբաններն անդրադարձան հատկապես հեռուստասերիալների և որոշ երգիծական հաղորդումների խիստ աղավաղված լեզվին, եղան իրավիճակը շտկելուն միտված ծրագրային առաջարկներ:

Մատնանշելով տարածված լեզվական մի շարք սխալներ՝ Լ.Մնացականյանը համոզմունք հայտնեց, որ հայերենը, որպես ազգային-պետական բարձրագույն արժեք, կարիք ունի թե՛ պետական, թե՛ հասարակական հոգածության:

Հայտարարություններ

Ուշադրությու՛ն

ՀՀ ԳԱԱ Հ․ Աճառյանի անվան լեզվի ինստիտուտի կիրառական լեզվաբանության բաժինը շարունակում է սեմինարների շարքը՝ նվիրված էլեկտրոնային պաշտոնական հաղորդակցման յուրահատկություններին և ժամանակակից տեխնոլոգիաներից օգտվելու եղանակներին։

Շարքի հերթական սեմինարը տեղի կունենա նոյեմբերի 20-ին ՀՀ ԳԱԱ լեզվի ինստիտուտի կիրառական...
«Շրջիկ ազատ դպրոց» բարեգործական նախագիծ

ՀՀ ԳԱԱ Հ. Աճառյանի անվան լեզվի ինստիտուտի երիտասարդ գիտնականների խորհրդի նախաձեռնությամբ մեկնարկում է բարեգործական նախագիծ՝ արցախյան բռնի տեղահանության արդյունքում տուժած մանկապատանեկան համայնքի համար:

ՀՀ ԳԱԱ Հ. Աճառյանի անվան լեզվի ինստիտուտի երիտասարդ գիտնականների խորհուրդը, գործակցելով ՀՀ ԳԱԱ...
ԳԻՏԱԺՈՂՈՎԻ ՀՐԱՎԵՐ

Հարգելի՛ բարեկամներ,

Սիրով հրավիրում ենք մասնակցելու «Հայոց լեզվի ուսումնասիրության և ուսուցման արդի խնդիրներ» խորագրով միջազգային գիտաժողովին:

✓ Գիտաժողովը տեղի կունենա ս.թ. փետրվարի 21-ին:

✓ Գիտաժողովի անցկացման վայրը` Երևան, Հայաստանի Հանրապետություն

✓ Գիտաժողովի...