2022թ. հոկտեմբերի 10-ին տեղի ունեցավ ԳԱԱ Հ. Աճառյանի անվան լեզվի ինստիտուտի բարբառագիտության բաժնի հերթական նիստը, որին մասնակցում էին բաժնի վարիչ Վ.Կատվալյանը,Ա.Վարդանյանը, Ջ.Բառնասյանը, Հ.Մեսրոպյանը, Ա.Մկրտումյանը, Մ.Խառատյանը, Ն.Սահակյանը։ Հյուրի կարգավիճակում էր 44-օրյա պատերազմի հետևանքով Արցախի Հադրութի շրջանի Մեծ թաղեր գյուղից բռնագաղթած և Երևանում ապաստանած Նաիրե Ոսկանյանը։ Հուզիչ էր արցախցի հայուհու ոդիսականը. հայկական հնամենի բնակավայրը անսպասելիորեն ռմբակոծվեց, ահավոր խուճապի պայմաններում փրկվեցին միայն փախչելու հնարավորություն ունեցողները։ Նաիրեն, իր ընտանիքով ապաստանելով Երևանում, բուժքրոջ աշխատանքին զուգահեռ՝ մտադրվեց փրկել իր մայրենի Հադրութի բարբառից պատառիկներ՝ նյութեր գրառելով նաև համագյուղացիներից։ Իսկ իր հավաքած նյութերի գրառումների որակը և գիտական տառադարձումները ճշգրտելու նպատակով դիմել էր շատ ճիշտ հասցեով՝ ՀՀ ԳԱԱ լեզվի ինստիտուտի բարբառագիտոթյան բաժնի փորձառու գիտաշխատողներին։ Բաժնի նիստում որոշեցին հնարավորինս օգտակար լինել և նպաստել այդ շատ կարևոր նախաձեռնության իրականացմանը։ Նաիրեն խոստացավ ըստ ՀԲԱ ծրագրի կատարել համապատասխան գրանցումներ՝ օգտվելով գիտաշխատողների խորհրդատվությունից։
Ավագ գիտաշխատող Ջեմմա Բառնասյան
Անուշ Անդրանիկի Խաչատրյան «Էլեկտրոնային մամուլի լեզուն (բառային կազմ, քերականական համակարգ)»
(թեկնածուական ատենախոսություն) Ժ.02.01 «Հայոց լեզու»
30.04.2024, ժ.15-ին
...
Վալտեր Տիգրանի Բերբերյան «Հայ ոճագիտական մտքի զարգացման հիմնախնդիրները (1950-2020-ական թթ.)»
(թեկնածուական ատենախոսություն) Ժ.02.01 «Հայոց լեզու»
26.01.2024, ժ.15-ին
...
